سڑک حادثہ میں ایک ہی خاندان کے ۶ افراد کی موت سے کہرام مچ گیا۔

مظفرنگر/میرٹھ: عزیز الرحمن خاں۔

دہلی- میرٹھ ایکسپریس وے پر حادثے میں ایک تاجر کے خاندان کے چھ افراد کی موت کے بعد دھن پور گاؤں میں ہنگامہ مچ گیا ہے۔ لواحقین جائے حادثہ پر پہنچ گئے ہیں۔ جے پال کے دونوں بیٹوں نریندر یادو اور دھرمیندر یادو کے خاندان کھٹو شیام جا رہے تھے۔

انچولی کے دھن پور گاؤں کے رہنے والے جے پال یادو کے تین بیٹے ہیں، بڑے جتیندر یادو، چھوٹے نریندر یادو اور سب سے چھوٹے دھرمیندر یادو۔ نریندر کی شوبھا پور بس اسٹینڈ پر بجلی کی دکان ہے، جبکہ دھرمیندر کھیتی باڑی کرتے ہیں۔ نریندر اور دھرمیندر کا خاندان منگل کی صبح 4.30 بجے ایک کار میں کھٹو شیام کے لیے روانہ ہوا۔ نریندر، ان کی بیوی انیتا، بیٹے ہمانشو، کرکت اور دھرمیندر کی بیوی ببیتا، بیٹی ونشیکا کی صبح 6.05 بجے دہلی-میرٹھ ایکسپریس وے پر غلط طرف سے آنے والی بس سے ٹکرانے کے بعد موت ہو گئی۔

 بڑے بھائی جتیندر یادو کو حادثہ کا علم ہوا۔ اس کا پورا خاندان موقع پر پہنچ گیا ہے۔ حادثے میں نریندر کا پورا خاندان ہلاک ہو گیا ہے، جبکہ دھرمیندر اور ان کا بیٹا زخمی ہو گئے ہیں۔ حادثے کے بعد گاؤں میں افراتفری ہے۔ جتیندر یادو نے بتایا کہ خاندان میں اب کچھ نہیں بچا ہے۔ پورے خاندان کا سربراہ نریندر یادو تھا۔ دونوں بھائیوں نریندر اور دھرمیندر کا پورا خاندان صبح ہی گھر سے نکل گیا تھا۔