Latest News

یوم جمہوریہ کی مناسبت سے مظفرنگر میں عظیم الشان مشاعرے کاانعقاد۔ شعراء کرام نے شاندار کلام پیش کرکے وصول کی سامعین سے داد و تحسین۔

مظفرنگر: یوم جمہوریہ کے موقع پر تنویر ادب نیوز کے زیراہتمام مظفرنگر کے محلہ مملانا روڈ پر ڈاکٹر شمیم ملک (تنظیمی سکریٹری،میڈیکل سیل، بھارتیہ کسان یونین، مظفرنگر) کی جانب سے ایک عظیم الشان مشاعرہ منعقد ہوا۔ شکیل ہاؤس میں سجائی گئی اس خوبصورت شعری محفل میں بہت سے نامور شعراء کرام نے شرکت فرما کر سامعین سے داد و تحسین وصول کی۔ معروف سماجی خدمت گار فیاض ملک برلا والوں کی صدارت اور مشہور استاد شاعر و ہفت روزہ تنویر ادب کے مدیر ڈاکٹر تنویر گوہر کی خوبصورت نظامت میں مشاعرہ بحسن و خوبی پائے تکمیل تک پہنچا۔ مشاعرے کی شمع ڈاکٹر جمیل احمد ملک،گلبہار ایڈووکیٹ اصغر ملک، اسلام ملک اور ماسٹر سلیم احمد و ڈاکٹر فرقان ملک نے مشترکہ طور پر روشن کی۔ قاری عبدالسلام نور کی نعت پاک سے مشاعرے کا با برکت آغاز ہوا۔ 
مشاعرے میں مدعوشعراء کے منتخب اشعار باذوق ناظرین و قارئین کی نذر ہیں۔
عشق تم سے جنوں کی حد تک ہے 
اور حد ہی کہاں جنون کی ہے
                         تنویر گوہر 
تم برگد ہو تم کیا جانو ہم گملوں کے پودوں کا دکھ
کٹتے چھٹتے رہنا ہے اور خود کو زندہ رکھنا ہے
                                               ارشد ضیاء ۔
اچھی نہیں ہے وقت کی رفتار چُپ رہو
پسماندہ ہیں صاحبِ معیار چُپ رہو
                            مصطفٰی کمال پاشا 
زلف جب اُن کی لہراگئی 
سارے عالم کو مہکا گئی 
                       کلیم چرتھاولی 
موسم ہے بہاروں کا سرسوں پہ جوانی ہے
اور پاس مرے تیری تصویر پرانی ہے
                           تحسین ثمر چرتھاولی 
خیر میرے وطن کی ہو ربِ کریم
ہاتھ میں ظالموں کے نظام آ گیا 
                           فیروز انور 
ہم بظاہر تو اپنے گھر میں رہے
عمر گزری ہے قید خانے میں 
                     تحسین قمر اساروی 
اے نور امتی ہیں خیرالبشر کے یوں بھی
جس نے ہمیں ستایا ہم نے اُسے دعا دی
                                عبدالسلام نور 
میرا بہتر اگرچہ حال نہ تھا
پر کسی سے کوئی سوال نہ تھا
                       ساجد ملک عزیز 
شہر و اطراف کے جن معزز سامعین نے مشاعرے کے اخیر تک شعراء کے کلام سے لطف اٹھایا ان میں ڈاکٹر جمیل احمد ملک،اسد فاروقی،فیاض برلا والے،نفیس میمبر، حاجی شکیل، قاری عالیشان کاٹکہ والے،قاری رضوان، ماسٹر سلیم، ظفر اقبال، کلیم تیاگی، رئیس الدین رانا، ماسٹر شہزاد علی، ڈاکٹر فرقان ملک سیف عالم،ڈاکٹر فیض،،عمران ملک،سہیل ملک،زید ملک،ماسٹر ہاشم چرتھاولی، غفران چرتھاولی، ڈاکٹر ارشاد،ظریف سمپادک وغیرہ کے نام قابل ذکر ہیں۔ مشاعرہ رات کے آخری حصے تک پہنچ کر اختتام پذیر ہوا۔آخر میں کنوینر مشاعرہ ڈاکٹر شمیم ملک نے سبھی شعراء و سامعین کا شکریہ ادا کیا۔

Post a Comment

0 Comments

خاص خبر