خاندان برباد ہوگیا، اب تو محض رگڑا جارہا ہے: عتیق احمد۔

لکھنؤ: دبنگ لیڈر عتیق احمد کو ایک معاملہ میں عدالت میں پیشی کے لیے الہ آباد لایا گیا۔ رات کے تقریباً ڈیڑھ بجے جب پولیس کی گاڑی راجستھان کے بوندی ضلع میں ٹھہری تو صحافیوں کے سوالوں پر رد عمل ظاہر کرتے ہوئے عتیق احمد نے کہا کہ اس کا خاندان پوری طرح برباد ہو گیا ہے اور اب تو اسے محض رگڑا جا رہا ہے۔

بوندی ضلع کے ڈابی تھانہ علاقہ میں جب عتیق احمد کو لے جا رہی گاڑی ٹھہری تو ایک سوال کے جواب میں اس نے کہا ’’اب سب کا بہت بہت شکریہ۔ ہمارا خاندان پوری طرح سے برباد ہو گیا۔ کوئی مافیا گری پر سوال کر ے تو میں بتا دوں کہ مافیا گری تو بہت پہلے ختم ہو چکی۔ اب تو خالی رگڑا جا رہا ہے۔‘

اومیش پال کے قتل پر سوال پوچھے جانے پر عتیق احمد نے کہا ’’ارے، میں تو جیل میں تھا۔ مجھے اس کے بارے میں کوئی جانکاری نہیں ہے۔ جو بھی الزامات مجھ پر عائد ہو رہے ہیں وہ یکطرفہ ہیں۔ ہم بھی تو کہہ رہے ہیں کہ ہم تو جیل میں تھے اور اس کے بارے میں کوئی جانکاری نہیں ہے۔ مجھے میرے بیٹے کے بارے میں بھی کوئی اطلاع نہیں۔