مظفّر نگر میں بیوی کا قتل کرنے کے بعد شوہر کی خودکشی۔

مظفر نگر:  عزیز الرحمن خاں۔ 

اتر پردیش کے ضلع مظفر نگر کے بھوپا تھانہ علاقے کے گاؤں گدلا میں ایک دل دہلا دینے والا واقعہ سامنے ایا ہے جہاں شوہر نے بیوی کا قتل کرنے کے بعد خود کو گولی مار کر خودکشی کر لی۔ بتایا جا رہا ہے کہ شادی شدہ جوڑے کی چار مہینے پہلے ہی لو میرج ہوئی تھی۔ شادی کے بعد سے ہی دونوں میں تنازع چل رہا تھا۔پولیس کے مطابق ان دونوں کی شادی شوہر کے خالہ زاد بھائی صدام نے کرائی تھی۔ اس شادی کو لے کر دونوں صدام سے ناراض تھے۔ بتایا جا رہا ہے کہ آج صبح شادی شدہ جوڑا صدام کے گھر پر پہنچا۔ جب شادی شدہ جوڑا صدام کے گھر کے باہر آواز لگائی لیکن وہ گھر پر موجود نہیں تھے۔ صدام نماز پڑھنے کے لیے گیا تھا۔ شور سن کر پڑوس میں رہنے والے صابر نے جب شادی شدہ جوڑے سے بات چیت کی تو اس جوڑے نے پڑوس میں رہنے والے صابر پر بھی گولی چلا دی جس سے وہ شدید طور پر زخمی ہو گیا۔ پولیس کے مطابق جب گاؤں کے لوگوں نے گولی کی اواز سنی تو لوگ جمع ہونے شروع ہو گئے۔ مقامی باشندوں کی بھیڑ دیکھ کر شخص نے سب سے پہلے اپنی بیوی پر گولی چلا دی اور پھر خود کو بھی گولی مار کر خودکشی کر لی۔اطلاع ملتے ہی پولیس کے علیٰ افسران بھی موقع پر پہنچ گئے اور جانچ شروع کر دی۔ بتایا جا رہا ہے کہ شوہر نسیم نے موقع پر ہی دم توڑ دیا جبکہ اس کی اہلیہ کی ضلع ہسپتال میں موت ہوئی ۔پولیس پورے معاملے کی تفتیش کر رہی ہے ۔اس معاملے کو لے کر رشتہ داروں اور پڑسیوں سے پوچھ گچھ کی جا رہی ہے۔