بی جے پی لیڈر پراپرٹی ڈیلر کا اپنے بیٹے کے لئے چاند پر ایک ایکڑ زمین خریدنے کا دعویٰ۔

مظفرنگر: عزیز الرحمن خاں۔

اسرو نے چاند پر ترنگا لہرایا ہے۔ چندریان 3 کے چاند پر اترنے کے بعد سے نئی معلومات سامنے آرہی ہیں۔ اگر مستقبل میں سب کچھ ٹھیک رہا تو چاند پر زندگی دریافت کی جا سکتی ہے۔ ادھر بریلی کے ایک بی جے پی لیڈر نے چاند پر ایک ایکڑ زمین خریدنے کا دعویٰ کیا ہے۔ دراصل چندریان 3 کے اترنے سے پہلے ہی دو غیر ملکی کمپنیاں چاند پر زمین بیچنے کا کام کر رہی ہیں۔

 املا تحصیل علاقہ کے شیخوپور خالصہ گاؤں کے رہائشی پراپرٹی ڈیلر اوم ساگر بی جے پی شیڈولڈ فرنٹ کے ضلع جنرل سکریٹری ہیں۔ چندریان 3 کی لینڈنگ کے بعد بی جے پی لیڈر اوم ساگر نے چاند پر ایک ایکڑ زمین خریدنے کا دعویٰ کیا ہے۔ اوم ساگر نے بتایا کہ ان کا ایک بیٹا ہے جس کا نام نمایا ساگر ہے۔ بیٹا میرے لیے چاند کا ٹکڑا ہے، اس لیے میں نے صرف اس کے لیے چاند پر خوابوں کی جھیل کے قریب ایک ایکڑ زمین خریدی ہے۔

 بی جے پی لیڈر نے بتایا کہ لونا سوسائٹی انٹرنیشنل چاند پر زمین بیچ رہی ہے، جس کی رجسٹری ہم نے کرائی ہے۔ ان کی اہلیہ ریکھا ساگر نے بتایا کہ بیٹا ہمارے لیے چاند کا ٹکڑا ہے اس لیے ہم نے اسے چاند کا ٹکڑا تحفے میں دیا ہے۔ ہمارے والدین نے ہمارے لیے جو کچھ کیا، ہم اپنے بیٹے کے لیے بھی وہی کرنا چاہتے ہیں۔ ہم چاہتے ہیں کہ وہ اتنا قابل ہو کہ وہ خود ایک دن چاند پر جائے۔

میڈیا رپورٹس کے مطابق دنیا میں دو ایسی کمپنیاں ہیں، جو چاند پر زمین بیچنے کا کام کرتی ہیں۔ ان میں پہلی کمپنی لونا سوسائٹی انٹرنیشنل ہے۔ دوسری کمپنی انٹرنیشنل لونر لینڈز رجسٹری کہلاتی ہے۔ یہ دونوں کمپنیاں دنیا بھر کے لوگوں کو چاند پر زمین بیچ رہی ہیں۔ سب سے بڑی بات یہ ہے کہ ہندوستانی لوگ چاند پر زمین بھی خرید رہے ہیں۔ چندریان 3 کی لینڈنگ کے بعد اس کا جنون مزید بڑھ گیا ہے۔