شرمناک: پریاگ راج میں دسویں کے طالب علم کو پیٹ پیٹ کر مارڈالا۔

اتر پردیش کے پریاگ راج میں دسویں جماعت کے ایک طالب علم کو پیٹ پیٹ کر قتل کر دیا گیا ہے۔اس واقعہ کے منظر عام پر آنے کے بعد مقامی لوگوں نے احتجاج کیا۔

پولیس کمشنر اور دیگر افسران موقع پر پہنچ گئے اور حالات پر قابو پانے کی کوشش کی۔پولیس نے اس معاملے میں تین نوجوانوں کو حراست میں لے لیا ہے۔ واقعہ پریاگ راج کے کھیری علاقے کا ہے۔الزام ہے کہ جس طالب علم کو قتل کیا گیا اس کا اسکول میں دوسری برادری کے طلبہ سے جھگڑا تھا۔اسکول ٹیچر نے تنازعہ حل کرنے کی کوشش کی لیکن جب طالب علم اپنے کزن کے ساتھ شام کی چھٹی کے بعد اسکول سے واپس آرہا تھا تو کچھ نوجوانوں نے اسے گھیر لیا۔الزام ہے کہ ان نوجوانوں نے طالب علم کے کزن کے ساتھ چھیڑ چھاڑ کی اور احتجاج کرنے پر اس کی پٹائی کی۔پولیس نے زیادتی کے واقعے سے انکار کیا ہے۔

ایڈیشنل ایس پی سنتوش کمار مینا نے میڈیا سے بات کرتے ہوئے کہا، "پرمانند اسمارک انٹر کالج میں بچوں کے درمیان کسی بات پر لڑائی ہوئی تھی، جسے ٹیچرز نے ختم کرایا، اسکول سے نکلنے کے بعد بچوں کے درمیان لڑائی ہوئی، جس میں ایک مر گیا”مینا کہتی ہیں، ”خاندان کے لوگوں کی شکایت پر مقدمہ درج کیا گیا ہے۔ تین افراد کو حراست میں لے لیا گیا ہے اور جاری احتجاج ختم کر دیا گیا ہے۔”