مظفر نگر میں قبرستان اور ماتا کی اراضی کا پندرہ برس پرانا تنازعہ ایس ڈی ایم صدر نے کرایا حل۔

مظفرنگر: عزیز الرحمن خاں۔

مظفرنگر ایس ڈی ایم صدر نے پورا دن متنازع مقام پر گزارا اور موضع کاکڑہ میں قبرستان اور ماتا کی جگہ کا 15 سال پرانا تنازع ختم کرانے میں کامیابی حاصل کی۔ محکمہ ریونیو کی ٹیم نے ایس ڈی ایم کے ساتھ مل کر اراضی کو گھیرے میں لے لیا۔ دونوں اطراف کے سینکڑوں لوگ موقع پر موجود تھے۔

 کوکڈا گاؤں کے لوگوں نے ڈی ایم سے شکایت کی کہ ان کے ماتا کی زمین کے اندر قبرستان کی زمین کو بڑھا دیا گیا ہے۔ کاغذات میں قبرستان سے دوگنا اراضی پر قبضہ کیا گیا ہے۔ سات روز سے تحصیل اکاؤنٹنٹ کی ٹیم تالاب، قبرستان اور ماتا کے مقام کی پیمائش کر رہی تھی۔ جس نے زمین کا سارا ریکارڈ جاری کر دیا کوکڈا گاؤں کے ریکارڈ میں ماتا کی جگہ کے لیے 750 میٹر زمین ہے۔ قبرستان کے لیے 2270 میٹر زمین چھوڑ دی گئی ہے۔ تحقیقات میں قبرستان 4500 میٹر تک پہنچ گیا جبکہ تالاب کی زمین اور ماتا کی جگہ پر تجاوزات پائی گئیں ایس ڈی ایم صدر پرمانند جھا محکمہ ریونیو کی ٹیم کے ساتھ موقع پر پہنچے۔ پیمائش دونوں فریقوں کی موجودگی میں کی گئی۔ ایس ڈی ایم صدر نے بتایا کہ ماتا کے مقام کے 750 میٹر کو گھیرے میں لے لیا گیا ہے۔ قبرستان میں تالاب جوڑ دیا گیا ہے، اسے بھی الگ کیا جائے گا۔ اس وقت دونوں فریقوں کے درمیان تنازع ختم ہو چکا ہے۔ گاؤں میں زمین کے تنازع میں کشیدگی چلی آرہی تھی جوکہ اب ختم ہو گئی ہے ۔