حماس کے حملوں میں کرنل سمیت ہلاک ہونے اسرائیلیوں کی تعداد ۸۰۰ سے متجاوز، فلسطین کی حمایت میں ایران سمیت کئی ممالک میں ریلیاں، قطرکی ثالثی میں حماس اور اسرائیل کے درمیان قیدیوں کے تبادلے کے لیے مذاکرات جاری۔

غزہ: دنیا کے مختلف ممالک میں فلسطینیوں سے اظہاریکجہتی کیلئے مظاہروں کا سلسلہ جاری ہے۔ گزشتہ روز حماس کے اسرائیل پر منظم اور کامیاب حملے کے بعد فلسطینیوں نے مختلف علاقوں میں جشن منایا، غزہ میں اسرائیل کے تباہ شدہ ٹینک اور موبائل پر کھڑے ہوکر نوجوانوں نے نعرے لگائے۔

اس کے علاوہ ایران میں بھی حماس کے حملوں پر جشن کا سماں ہے، تہران میں فلسطین اسکوائر پر آتش بازی کی گئی جبکہ ترکیہ کے شہر استنبول میں بھی اظہار یکجہتی کی ریلی نکالی گئی۔ریلی میں ہزاروں افراد نے شرکت کی اور مظاہرین نے ہاتھوں میں فلسطین اور مزاحمتی تحریک حماس کے پرچم اٹھا رکھے تھے۔حماس کے حملوں میں کرنل سمیت ہلاک اسرائیلیوں کی تعداد 800 سے متجاوز ہوگئی ہے۔ 

صنعا میں بھی فلسطینیوں کی حمایت میں ہزاروں افراد نکل آئے اور اسرائیل پر ہونے والے حملوں پر جشن منایا۔یمن کے علاوہ عراق اور اردن سمیت دنیا کے کئی ملکوں میں حماس کی حمایت میں مظاہرے ہوئے ہیں۔خیال رہے کہ گزشتہ روز فلسطین کی مزاحمتی تنظیم حماس نے اسرائیل پر زمین، فضا اور سمندر سے حملے کیے تھے اور اب بھی مختلف علاقوں میں اسرائیلی فورسز سے جنگ جاری ہے۔ حماس کے حملوں میں اسرائیلوں کی ہلاکتوں میں اضافہ ہوگیاجبکہ مزید اضافہ کا خدشہ ظاہر کیا جارہا ہے۔ اسرائیل پر حماس کے حملہ کا مختلف مسلم ممالک میں جشن منایا جارہا ہے جبکہ ہندوستان اور امریکہ میں اسرائیل کی تائید کا اعلان کیا ہے۔ دوسرے دن بھی غزہ میں حالات انتہائی کشیدہ رہے۔

قطرکی ثالثی میں حماس اور اسرائیل کے درمیان قیدیوں کے تبادلے کے لیے مذاکرات جاری۔

واضح رہے کہ گزشتہ دنوں حماس نے اسرائیل کے مختلف علاقوں میں حملے کرکے 800 اسرائیلی کو ہلاک اور سیکڑوں کو زخمی کیا۔ ان حملوں میں اسرائیلی فوجی اور پولیس اہلکار بھی بڑی تعداد میں مارے گئے۔

حماس کے جنگجو اسرائیلی فوجیوں سمیت درجنوں اسرائیلیوں کو یرغمال بناکر غزہ ساتھ لے گئے ہیں۔ ماس کے حملوں میں ہلاک اسرائیلیوں کی تعداد 800 سے متجاوز

خبر ایجنسی کے مطابق قطرکی ثالثی میں فلسطینی مزاحمتی تنظیم حماس اور اسرائیل کے درمیان قیدیوں کے تبادلے کے مذاکرات جاری ہیں۔ خبر ایجنسی نے بتایاکہ اسرائیلی خواتین اور بچوں کے بدلے اسرائیلی جیلوں سے 36 فلسطینی خواتین اور بچوں کو رہا کرایا جائے گا۔

رپورٹس کے مطابق اسرائیلی قید میں 150 سے زائد فلسطینی بچے اور 30 سے زائد خواتین قید ہیں۔ قطری حکام دوحہ اور غزہ میں حماس کے عہدیداروں سے رابطے میں ہیں اور قطر امریکا کے تعاون سے قیدیوں کے تبادلے کیلئے ہفتے سے مذاکرات کی ثالثی کر رہا ہے۔

دوسری جانب اسرائیل نے قیدیوں کی رہائی کیلئے حماس سے کسی قسم کے مذاکرات سے انکار کیا ہے اور کہا ہے کہ اس وقت کوئی مذاکرات نہیں ہو رہے۔

خیال رہے کہ غزہ میں اسرائیل کے حملوں میں شہید فلسطینیوں کی تعداد 560 ہوگئی جبکہ 2 ہزار 900 فلسطینی زخمی ہوئے ہیں۔