کھتولی میں مغل شہنشاہ جلال الدین اکبر کی یوم پیدائش پر منعقدہ سیمینار میں کانگریس پیش کی خراجِ عقیدت۔

مظفرنگر: عزیز الرحمن خاں۔

کھتولی کی گلوبل اکیڈمی میں اتر پردیش اقلیتی کانگریس کی کال پر مغل شہنشاہ اکبر کے یوم پیدائش کے موقع پر مظفرنگر ضلع اقلیتی کانگریس کے ذریعہ شہنشاہ اکبر کے طرز حکمرانی پر ایک سیمینار کا انعقاد کیا گیا۔ جس کی صدارت ضلع اقلیتی کانگریس کے صدر حکیم ظفر محمود نے کی اور نظامت مفتی مجیب الرحمٰن ندوی نے کی۔ سیمینار کے مہمان خصوصی کے طور پر سید وصی رضوی ریاستی نائب صدر اقلیتی کانگریسو طاہر انصاری ریاستی سکریٹری اقلیتی کانگریس نے کی۔ سیمینار سے خطاب کرتے ہوئے حکیم ظفر محمود نے کہا کہ آج کے پروگرام کا مقصد نسل کو مغلوں کی تاریخ سے روشناس کرانا ہے۔ اکبر، مغل خاندان کے تیسرے شہنشاہ، 15 اکتوبر 1542 کو پیدا ہوئے، اور 13 سال کی عمر میں ہندوستان کے تخت پر جلوہ افروز ہوئے وہ ایک انتہائی کارآمد، دور اندیش اور سیکولر سوچ رکھنے والا حکمران تھے انہوں نے ہندو مسلم اتحاد کے لیے دین الٰہی کے نام سے ایک مذہب بنایا، جس میں تمام مذاہب کی اچھی چیزیں جمع کیں۔ان کے دور میں ہندو مسلم تہوار مناتے تھے۔ ان کے دربار میں ہندو سرداروں کی تعداد سب سے زیادہ تھی، اس کا کمانڈر راجہ مان سنگھ تھا جس کی بہن سے انہوں نے شادی کی، اس نے جزیہ ٹیکس معاف کیا، ان سب چیزوں نے اکبر کو عظیم بنایا۔ 27 اکتوبر 1605 کو ان کی وفات کے وقت، ان کی سلطنت پورے شمالی اور وسطی ہندوستان میں پھیل گئی تھی، جس کا شمار اس وقت کی عظیم سلطنتوں میں کیا جاتا تھا۔ ایسے عظیم حکمران کے یوم پیدائش پر، اقلیتی کانگریس انہیں خراجِ عقیدت پیش کرتی ہے۔

سیمینار میں سید وصی رضوی، طاہر انصاری، مفتی مجیب الرحمٰن راؤ قربان اور تاریخ کے اساتذہ فیروز عالم، کفیل احمد، قاضی شاہد نے شہنشاہ اکبر کے بارے میں تفصیلی خیالات پیش کیے، سیمینار میں لوگوں کی بڑی تعداد موجود تھی۔