مظفر نگر کے اسپتال میں غیر قانونی فرم چلتی پائی گئی، ۱۰ کروڑ کے لین دین سے جی ایس ٹی افسران کی حیرانگی۔

مظفر نگر: عزیز الرحمن خاں۔

مظفرنگر کے بالاجی چوک پر واقع سری رام کرشنا اسپتال میں لوہے کی تجارت کی غیر قانونی فرم پکڑی گئی ہے۔ پچھلے چھ مہینوں میں اس فرم میں 10 کروڑ روپے سے زیادہ کے لین دین ہوئے ہیں۔

جی ایس ٹی کے چھ افسران کی ایک ٹیم نے شام کو اسپتال میں ڈیرہ ڈالا اور ریکارڈ اپنے قبضے میں لے لیا۔ تحقیقات رات بھر جاری رہنے کا امکان ہے۔

جی ایس ٹی ایس آئی بی کے ڈپٹی کمشنر وویک مشرا نے کہا کہ سینٹرل جی ایس ٹی رجسٹریشن فروری 2023 میں شری راما کرشنا کے نام پر اسپتال کے اندر لیا گیا ہے۔

سینٹرل جی ایس ٹی ٹیم نے جائے وقوع کا معائنہ کیے بغیر ہی رجسٹریشن کیا۔ پچھلے چھ مہینوں میں اس فرم کے نام پر 10 کروڑ روپے کا لین دین ہوا ہے۔ جی ایس ٹی کی کوئی رقم جمع نہیں کی گئی۔تحقیقات میں جب یہ بات سامنے آئی تو پورا محکمہ حیران رہ گیا۔ ہسپتال کے اندر ایک لوہے کی فرم کا چھوٹا سا دفتر بنایا گیا ہے۔ فرم کے پاس لوہے کو اتارنے اور بیچنے کی کوئی جگہ نہیں ہے۔

اس پورے معاملے کی جانچ میں محکمہ کے چھ افسران کو شامل کیا گیا ہے۔ تفتیش رات بھر جاری رہے گی۔ یہاں سب سے پہلے غیر قانونی کاروبار کا پتہ چلا ہے۔ ٹیکس چوری کی حد مکمل تحقیقات کے بعد ہی سامنے آئے گی۔