مظفرنگر میں چین کی وبائی بیماری کے حوالے سے محکمہ صحت نے جاری کیا الرٹ جاری، ہر طرح کی وبا سے نمٹنے کے لئے محکمہ تیار : ڈاکٹر راکیش کمار۔

مظفرنگر: عزیز الرحمن خاں۔ 

چین کے شمالی علاقے میں ایویئن انفلوئنزا

 H9N2 

کے تیزی سے پھیلنے والے کیسز اور بچوں میں سانس کی بیماری کے حوالے سے ضلعی محکمہ صحت بھی الرٹ ہو گیا ہے۔ تیاریوں کے لیے ضلع اسپتال میں دو روز تک موک ڈرل کا عمل مکمل کیا گیا اور آکسیجن پلانٹ کو چیک کیا گیا۔

ضلع اسپتال کے چیف میڈیکل سپرنٹنڈنٹ ڈاکٹر راکیش کمار نے کہا کہ اسپتال میں مریضوں کا بہترین علاج کیا جاتا ہے۔ بتایا کہ ڈسٹرکٹ اسپتال میں ایک آکسیجن پلانٹ ہے جس کی صلاحیت 1000 لیٹر فی منٹ ہے۔ کل 175 بستر ہیں۔ ان میں سے 106 بستروں پر آکسیجن کی سہولت موجود ہے۔ اس کے علاوہ 43 چھوٹے اور 20 بڑے سمیت کل 63 آکسیجن سلنڈر دستیاب ہیں۔ 63 آکسیجن کنسنٹریٹرز کی سہولت موجود ہے۔ جو بالکل درست ہے اور کام بھی کر رہا ہے۔ضلع کے چار سرکاری اور ایک نجی ہسپتال میں آکسیجن پلانٹ ہیں۔ مردوں کے لیے ضلع اسپتال میں 1000، ضلع خواتین کے اسپتال میں 500، کمیونٹی ہیلتھ سینٹر بڈھانہ میں 333، کمیونٹی ہیلتھ سینٹر کھتولی میں 500 اور میڈیکل کالج بیگراج پور میں 1132 لیٹر فی منٹ کی صلاحیت کے ساتھ تین آکسیجن پلانٹ ہیں۔ اس کے علاوہ پورے ضلع میں 760 سرکاری آکسیجن سلنڈر دستیاب ہیں۔ضلع ہسپتال میں چیسٹ فزیشن (پلمونولوجسٹ) نہیں ہے۔ ایسے میں پھیپھڑوں اور سینے سے متعلق مریضوں کو کافی پریشانیوں کا سامنا کرنا پڑتا ہے۔ سوامی کلیان دیو ضلع اسپتال میں چیسٹ فزیشن کا عہدہ طویل عرصے سے خالی ہے۔ جس کی وجہ سے روزانہ کئی مریض متاثر ہو رہے ہیں۔پھیپھڑوں سے متعلقہ مریضوں کو نجی ہسپتالوں میں پیسے گنوانے پڑتے ہیں۔ چیف میڈیکل سپرنٹنڈنٹ ڈاکٹر راکیش کمار نے کہا کہ یہاں کے اسپتال میں ماہر ڈاکٹر کم ہیں۔ سینے کا معالج بھی نہیں ہے۔ کچھ مریضوں کو صرف معالج ڈاکٹر یوگیندر تریکھا دیکھتے ہیں۔ اس کے لیے حکومت کو خط بھی لکھا گیا ہے۔