شاملی میں خواجہ سرا کے گھر سے ساڑھے آٹھ لاکھ روپے نقد، ۲۰ تولے سونا اور ہیرے کی انگوٹھیاں چوری، علاقہ میں خوف و ہراس۔

مظفرنگر: عزیز الرحمن خاں۔

شاملی سٹی کوتوالی علاقہ میں گوشالہ روڈ پر منگلا مکھی کے گھر سے ساڑھے آٹھ لاکھ روپے، 20 تولہ سونا اور دو ہیرے کی انگوٹھیاں چوری ہو گئیں۔ منگلا مکھی نے اپنے شاگرد پر چوری کا الزام لگاتے ہوئے تھانے میں شکایت درج کرائی ہے۔

 محلہ بڑی ماتا گوشالہ روڈ کے عظیم عرف بوبی منگلا مکھی نے تھانہ میں دی گئی شکایت میں بتایا کہ وہ اپنی ایک شاگردہ پری ٹھاکر کو لینے دیوبند گیا تھا۔ گوشالا روڈ شاملی کی ان کا ایک اور شاگرد کرن عرف راجہ ساکن محلہ شیام نگر، تھانہ لہساڑی گیٹ، میرٹھ، اپنے بھائی فرمان عرف بجلی کے ساتھ گھر پر موجود تھا۔ ان کے ساتھ مراد نگر کا ڈھولکیا لڑکا گلزار بھی تھا۔

 جب وہ واپس آیا تو سی سی ٹی وی کیمروں کی تاریں کٹ چکی تھیں۔ اسے شک ہوا اور کمرے کے اندر جا کر دیکھا کہ سامان ادھر ادھر بکھرا پڑا ہے اور الماری کھلی ہوئی ہے۔ منگلا مکھی کے مطابق الماری میں رکھی آٹھ لاکھ 50 ہزار روپے نقد، سٹیل کے ڈبے میں رکھے تقریباً 20 تولہ سونے کے زیورات اور دو ہیرے کی انگوٹھیاں غائب پائی گئیں۔ گھر میں موجود شاگرد سے پوچھنے پر اس نے بتایا کہ کرن عرف راجہ نے جان سے مارنے کی دھمکیاں دے کر سامان چوری کیا ہے پولس معاملے کی تحقیقات کررہی ہے ۔