بی جے پی کے لیے پھر دھڑکا نتیش کمار کا دِل، بہار میں اگلے ہفتے نئی حکومت بننے کا امکان۔ جے ڈی (یو) نے این ڈی اے میں واپسی کی خبر کو کیا مسترد۔

پٹنہ: بہارکے وزیر اعلیٰ نتیش کمار راشٹریہ جنتا دل سے الگ ہو نےاور ایک بار پھربی جے پی کے ساتھ مل کر حکومت بنانے کی خبریں سامنے آئی ہیں۔ باوثوق ذرائع کا کہنا ہے کہ اس ضمن میں جنتادل یو اور بی جے پی کی بات چیت کا آخری دور جاری ہے اور اسے اگلے ہفتہ قطعیت دے دی جائے گی۔ ذرائع کا کہنا ہے کہ بہار کی اگلی حکومت جنتادل یو‘ بی جے پی اور ہندوستانی عوام مورچہ کی اتحادی حکومت ہوگی۔

جنتادل یو کے 45‘ بی جے پی کے 76 اور ہندوستانی عوام مورچہ کے 4 ارکان اسمبلی کو ملاکر 125 کی جملہ تعداد بنتی ہے۔ بہار ودھان سبھا (اسمبلی) 243 رکنی ہے جبکہ حکومت بنانے کے لئے 122 ارکان درکار ہیں۔ جمعہ کے دن وزیراعلیٰ نتیش کمار نے یوم ِ جمہوریہ کے موقع پر راج بھون میں ہائی ٹی پارٹی میں شرکت کی۔ ان کے ساتھ اشوک چودھری موجود تھے۔

ذرائع کا کہنا ہے کہ نتیش کمارنے نئی حکومت کی تشکیل کے امکان پر گورنر راجندر وشواناتھ ارلیکر سے بات چیت بھی کی۔ بی جے پی قائد اپوزیشن وجئے کمار سنہا نے کہا کہ بی جے پی کی اعلیٰ قیادت نے ریاست کی صورتِ حال پر نظر رکھی ہوئی ہے۔دوسری جانب بی جے پی رکن پارلیمنٹ سشیل کمار مودی نے کہا کہ نتیش بابو مول تول کرنے میں ماہر ہیں۔ وہ لوک سبھا نشستوں کی تقسیم کے لئے بھی بھاؤتاؤ کریں گے۔

خبرکے مطابق بہار میں برسراقتدار مہاگٹھ بندھن میں پھوٹ کی قیاس آرائیوں کے بیچ وزیر اعلیٰ نتیش کمار نے آج راج بھون میں ہائی ٹی میں شرکت کی جبکہ ان کے نائب تیجسوی یادو (آر جے ڈی) کی غیرموجودگی کھٹکی۔ نتیش کمار کی بازو والی نشست پر سینئر جنتادل یو قائد اور وزیر اشوک کمار چودھری بیٹھے ہوئے تھے جنہوں نے بیٹھنے سے قبل تیجسوی یادو کے نام کی سلپ نکال دی۔

جے ڈی (یو) نے این ڈی اے میں واپسی کی خبر کو کیا مسترد۔

ادھر، بہار کے وزیر اعلیٰ نتیش کمار کی جے ڈی(یو) نے جمعہ کے روزدے کر کہاکہ پارٹی ”مضبوطی سے انڈیااتحادکے ساتھ“ ہے لیکن وہ چاہتی ہے کہ کانگریس اتحاد کے شراکت دار وں او رسیٹوں کی تقسیم میں ”خودشناسی“ کرے۔ریاستی جے ڈی (یو) صدر امیش سنگھ کشواہا نے ایک بیان دیتے ہوئے اان کی افواہوں کو مسترد کردیاکہ ان کی پارٹی جس کی قیادت چیف منسٹر کررہے ہیں‘ بی جے پی کی زیرقیادت این ڈی اے میں واپس لوٹنے کی سونچ رہی ہے۔

کشواہا نے رپورٹرس کو بتایاکہ ”بہار کے اقتدار ”عظیم اتحاد“ میں سب ٹھیک ہے اور میڈیا قیاس آرائیاں بعض ایجنڈہ کے مقصد سے چلائی جارہی ہیں“۔انہوں نے یہ بھی کہاکہ میں نے کل اور آج بھی چیف منسٹر سے ملاقات کی ہے۔ یہ معمول کاکام ہے۔جو افواہیں گشت کررہی ہیں اس میں کوئی سچائی نہیں ہے۔ہم ان افواہوں کوبھی مسترد کرتے ہیں کہ پارٹی اراکین اسمبلی سے فوری پٹنہ پہنچانے کو کہا گیا ہے۔یوم جمہوریہ کی پریڈکے موقع پر کمار اور ان کے نائب تیجسوی یادو کے ایک دوسرے دور بیٹھنے پر روشنی ڈالتے ہوئے انہوں نے زوردیکر کہا ہے کہ ”ہم انڈیا اتحاد کے ساتھ مضبوطی سے جڑے ہیں۔