سرکاری مشنری کے ذریعہ ہمیں لوٹاگیا، باپ دادا کی زمین بیچ کر الیکشن لڑیں گے:افضال انصاری۔

دبنگ لیڈر اور مختار انصاری کے بڑے بھائی افضال انصاری کاکہنا ہے کہ عوام کی طاقت سے ایک بار پھر جیتیں گے۔ان کا یہ بیان آئندہ لوک سبھا انتخابات میں ایس پی سے ٹکٹ ملنے کے بعد آیا ہے۔ افضال نے براہ راست بی جے پی پر حملہ کیا اور جیت کا دعویٰ کیا۔ افضال کہتے ہیں کہ اس بار بھی ہم جیت کر تاریخ رقم کریں گے۔ افضال کے بھائی اور مافیا ڈان مختار انصاری اس وقت جیل میں بند ہیں۔

ان کا مزید کہنا تھا کہ مجھے سرکاری مشینری کے ذریعے لوٹا گیا ہے۔ اس بار الیکشن لڑنے کے لیے اپنے آباؤ اجداد کی زمینیں بیچ کر الیکشن لڑیں گے اور جیتیں گے۔ مودی فیکٹر یہاں کام نہیں کرے گا۔

افضال نے کہا کہ یہاں غریب عوام میرا ساتھ دیں گے۔ انہوں نے کہا کہ رام مندر ہر ایک کے عقیدے کی علامت ہے۔ رام پر کوئی تنازعہ نہیں ہے، لیکن انہیں (بی جے پی) رام کے نام کا فائدہ نہیں ملے گا۔ ایس پی نے پیر کو اپنے امیدواروں کی دوسری فہرست جاری کی ہے۔ اس میں 11 امیدواروں کے ناموں کا اعلان کیا گیا ہے۔ افضال انصاری نے بی ایس پی کے ٹکٹ پر 2019 کا الیکشن لڑا تھا اور جیتے تھے۔ اس کے بعد یوپی میں بی ایس پی اور ایس پی نے مل کر لوک سبھا الیکشن لڑا تھا۔

بی ایس پی امیدوار افضال نے اس وقت کے مرکزی وزیر منوج سنہا کو شکست دی تھی۔ چند ماہ قبل ایم پی ایم ایل اے کی عدالت نے افضل کو گینگسٹر ایکٹ کیس میں مجرم قرار دیتے ہوئے چار سال قید کی سزا سنائی تھی۔ عدالت کے اس فیصلے کے بعد افضال انصاری لوک سبھا کی رکنیت سے ہاتھ دھو بیٹھے۔ افضال انصاری نے سپریم کورٹ میں درخواست دائر کی تھی جس میں 2007 کے گینگسٹر ایکٹ کیس میں اپنی سزا کو معطل کرنے کی درخواست کی گئی تھی۔ راہل گاندھی کے کیس کا حوالہ دیتے ہوئے، افضل نے سپریم کورٹ سے سزا پر روک لگانے کی اپیل کی، جسے عدالت نے قبول کر لیا۔ سپریم کورٹ نے افضل کی سزا پر روک لگا دی تھی۔

قابل ذکر ہے کہ اس سال 29 اپریل کو غازی پور کی خصوصی ایم پی-ایم ایل اے عدالت نے 2007 کے گینگسٹر ایکٹ سے متعلق ایک معاملے میں افضل انصاری اور ان کے بھائی مختار انصاری کو مجرم قرار دیا تھا۔ عدالت نے مختار انصاری کو 10 سال اور افضال انصاری کو 4 سال قید کی سزا سنائی تھی۔