ٹی20 ورلڈ کپ میں آج ہندوستان اور پاکستان کے درمیان زبردست مقابلہ، کرکٹ شائقین کو بھی اس بڑے مقابلے کا بے صبری سے انتظار۔

ٹی20 ورلڈ کپ میں آج ہندوستان اور پاکستان کے درمیان زبردست مقابلہ، کرکٹ شائقین کو بھی اس بڑے مقابلے کا بے صبری سے انتظار۔

دبئی: پانچ سال کے طویل وقفے کے بعد بھارت اور پاکستان کے درمیان ٹی 20 ورلڈ کپ کا میچ اتوار کو شام ساڑھے سات بجے دبئی میں کھیلا جائے گا۔

ہندوستان اور پاکستان کے کرکٹ شائقین کو اس بڑے میچ کا بے صبری سے انتظار ہے۔ دبئی میں اتوار کو آئی سی سی ٹی ٹوئنٹی ورلڈ کپ میں دونوں ٹیمیں 5 سال بعد آمنے سامنے ہوں گی۔ اگرچہ ون ڈے ورلڈ کپ کا آخری میچ ان دونوں ٹیموں کے درمیان 2019 میں ہوا تھا۔ بھارت یہ زبردست میچ جیت کر مسلسل چھٹی جیت کی تیاری کر رہا ہے جب کہ پاکستان بھی کوہلی کی ٹیم کو شکست دینے کی تیاری کر رہا ہے۔

ٹی ٹوئنٹی ورلڈ کپ میں بھارت نے پاکستان کے خلاف اب تک پانچ میچ کھیلے ہیں جن میں اس نے کامیابی حاصل کی ہے ، یہ تمام میچ مہندر سنگھ دھونی کی کپتانی میں کھیلے گئے ہیں۔ 2017 کے چیمپئنز ٹرافی کے فائنل کے علاوہ تمام میچ بھارت کے حق میں رہے ہیں۔

کوہلی کی ٹیم بابر اعظم کی کپتانی میں کھیلنے والی پاکستانی ٹیم کو ہلکے میں لینے کے موڈ میں نہیں ہے۔ کرکٹ کے شائقین بھی اس زبردست میچ کا بے صبری سے انتظار کر رہے ہیں۔ سیاسی کشیدگی کی وجہ سے اس میچ سے پہلے تنازعات بھی ہو چکے ہیں۔

ٹی 20 ورلڈ کپ میں اب تک بھارت نے پاکستان کے خلاف 5 میچ کھیلے ہیں اور پانچوں میں کامیابی حاصل کی ہے ، بھارت نے 19 مارچ 2016 کو ٹی 20 ورلڈ کپ کے میچ میں پاکستان کو چھ وکٹوں سے شکست دی تھی تاہم سیاسی کشیدگی کی وجہ سے کئی اختلافات تھے ان ٹیموں کے درمیان کئی میچز نہیں ہوئے جس پر کرکٹ کے شائقین کو بھی افسوس ہے۔

بھارتی ٹیم کے کپتان ویراٹ کوہلی نے کہا کہ بھارت کی ٹیم اس بڑے مقابلے میں پوری قوت سے کھیلے گی اور چھٹی بار پاکستان کو شکست دے گی۔ ٹیم اس میچ کو کسی بھی صورت ہلکے میں نہیں لے گی۔ دوسری جانب پاکستانی کپتان بابر اعظم بھی پوری تیاری کے ساتھ میدان میں اترنے کا دعویٰ کر رہے ہیں اور وہ اس بار بھارت کو ہرانا چاہتے ہیں۔

پاکستان کے وزیر اعظم اور سابق کرکٹر عمران خان نے اپنی ٹیم کو فتح کے ٹپس دیئے۔ آئی سی سی ٹی ٹوئنٹی ورلڈ کپ کا یہ میچ دبئی میں شام ساڑھے سات بجے شروع ہوگا جس کے لیے دنیا بھر کے کرکٹ شائقین میں جوش و خروش دیکھا جارہا ہے۔

اس بار ورلڈ کپ کا میزبان بھارت ہے، لیکن کورونا کی وجہ سے اسے دبئی میں منعقد کیا جا رہا ہے۔ وہاں دبئی انٹرنیشنل کرکٹ اسٹیڈیم میں ویراٹ کوہلی اور بابر اعظم کی ٹیم کے درمیان سخت مقابلہ ہوگا۔

ڈی ٹی نیٹ ورک