اعظم گڑھ میں اکھلیش یادو پر جم کر برسے امت شاہ، سماجوادی پارٹی اور بی جے پی کے 'JAM' کا سمجھایا مطلب، سی ایم يوگی بولے اعظم گڑھ کا نام تبدیل کرنے کا وقت آ گیا۔

اعظم گڑھ میں اکھلیش یادو پر جم کر برسے امت شاہ، سماجوادی پارٹی اور بی جے پی کے 'JAM' کا سمجھایا مطلب، سی ایم يوگی بولے اعظم گڑھ کا نام تبدیل کرنے کا وقت آ گیا۔

اعظم گڑھ: وزیر داخلہ امت شاہ اور اتر پردیش کے وزیر اعلی یوگی آدتیہ ناتھ نے آج اعظم گڑھ میں ایس پی سربراہ اکھلیش یادو کے حلقہ انتخاب میں ایک ریلی سے خطاب کیا۔ سی ایم یوگی نے ریلی میں ایس پی سربراہ پر مسلسل حملہ کیا۔ ریاست میں کئی جگہوں کے نام بدلنے پر ماضی میں تنقید کا سامنا کرنے والے سی ایم یوگی نے اعظم گڑھ لوک سبھا حلقہ کا نام بدل کر "آریم گڑھ" کرنے کا مشورہ دیا۔ ریلی کی خاص بات یہ تھی کہ امت شاہ نے یوپی انتخابات سے قبل بی جے پی کے وزیر اعلیٰ کے امیدوار کے طور پر یوگی آدتیہ ناتھ کی حمایت کی۔

انہوں نے کہا، "میں نے پہلے کہا تھا کہ ہمیں اعظم گڑھ میں اسمبلی کی کافی سیٹیں نہیں ملی... لیکن اب کی بار ایسا نہیں ہوگا۔ میں آپ سے کہتا ہوں کہ یہاں کی تمام اسمبلی سیٹیں دیں۔ میں آپ سے یہ اسلئے پوچھ رہا ہوں تاکہ یوگی آدتیہ ناتھ کو دوبارہ وزیر اعلی بنایا جا سکے۔" وزیر داخلہ نے کہا کہ بی جے پی ریاست میں لگاتار دوسری بار سرکار بنائےگی۔ 

امت شاہ کے زریعہ سی ایم یوگی کی حمایت اس سال کے شروع میں یوپی انتخابی حکمت عملی پر بی جے پی کے ہنگامے کے بعد پہلی بار دیکھی گئی ہے۔ کووڈ سے نمٹنے کے لیے سی ایم یوگی کو زبردست تنقید کا سامنا کرنا پڑا تھا۔

آج کی ریلی میں اپنے خطاب کے بالکل آغاز میں امت شاہ نے گزشتہ ماہ اکھلیش یادو کے "جناح" کے بیان کا حوالہ دیا۔ جناح پر اکھلیش کے تبصرے پر زبردست سیاسی ہنگامہ ہوا تھا۔ انہوں نے کہا کہ اکھلیش کے لیے جناح کی خاص اہمیت ہے۔

امت شاہ نے ایس پی کو گھیرا اور ریلی میں موجود لوگوں سے پوچھا، "پی ایم مودی کے پاس 'JAM'، جن دھن بینک اکاؤنٹس، آدھار کارڈ اور سب کے لیے موبائل فون ہے، میں نے یہ بات گجرات میں کہی تھی، سماج وادی پارٹی نے کہا کہ ان کے پاس بھی ایک 'JAM' ہے، میں نے ایک صحافی سے پوچھا کہ ایس پی کے 'جیم' کا کیا مطلب ہے، اس نے کہا کہ ان کے 'Jam' کا مطلب جناح، اعظم، خان اور مختار ہے، اب آپ ہی بتائیں؟ کیا آپ ہمارے 'JAM' کے ساتھ جائیں گے یا سماج وادی پارٹی کے ساتھ؟

انہوں نے مزید کہا، "انتخابات آتے ہی اکھلیش یادو کو جناح کی مهانتا  نظر آنے لگی ہے۔ کیا کوئی جناح کو عظیم سمجھتا ہے؟ کوئی ایسا نہیں کہے گا۔ ایسا صرف اکھلیش یادو ہی محسوس کرتے ہیں۔"

Sameer Chaudhary

DT Network