کانپور میں پرفیوم تاجر کے گھر پر انکم ٹیکس کی ریڈ، نوٹ گننے کے لیے منگوانی پڑی مشینیں، اب تک ہوئی 150 کروڑ روپے کی گنتی۔

کانپور میں پرفیوم تاجر کے گھر پر انکم ٹیکس کی ریڈ، نوٹ گننے کے لیے منگوانی پڑی مشینیں، اب تک ہوئی 150 کروڑ روپے کی گنتی۔

کانپور:  اتر پردیش کے کانپور میں انکم ٹیکس حکام نے ایک پرفیوم تاجر کے گھر پر چھاپہ مارکر 150 کروڑ روپے سے زائد برآمد کئے۔ میڈیا رپورٹ کے مطابق تاجر کے گھر سے برآمد ہونے والی رقم کی گنتی جاری ہے، ٹیکس حکام اب تک 150 کروڑ روپے تک گن چکے ہیں۔

ٹیکس حکام کا کہنا ہے کہ اصل رقم کا ابھی بتانا مشکل ہے، یہ چھاپا پیوش جین کے گھر پر مارا گیا ہے جو پرفیوم کے تاجر بتائے جاتے ہیں۔ حکام کا کہنا ہے کہ برآمد شدہ نوٹ اتنے ہیں کہ ان سے کمرا بھر گیا۔ 

انکم ٹیکس ڈپارٹمنٹ اور سنٹرل بورڈ آف ٹیکس اور کسٹمز اگلے سال فروری-مارچ میں ہونے والے اسمبلی انتخابات سے پہلے اتر پردیش میں چھاپے مار رہے ہیں۔ حال ہی میں سماج وادی پارٹی سے وابستہ کچھ لوگوں پر مرکزی ایجنسیوں نے چھاپے مارے تھے۔ اس پر کافی ہنگامہ ہوا۔ الزامات اور جوابی الزامات کا دور بھی چلا لیکن جمعرات کو کانپور میں چھاپے نے نہ صرف سیاسی حلقوں میں بیان بازی کے دور کو ہوا دی ہے بلکہ عام لوگوں کو بھی حیران کر دیا ہے۔

جمعرات کو سنٹرل بورڈ آف ٹیکس اور کسٹمز نے کانپور میں پرفیوم تاجر پیوش جین کی فیکٹری اور رہائش گاہ پر چھاپہ مارا۔ سنٹرل بورڈ آف ٹیکس اور کسٹمز کی مختلف ٹیموں نے ممبئی، گجرات میں ان کے گھر، فیکٹری، ان کے دفتر، کولڈ اسٹوریج اور پٹرول پمپ پر بھی چھاپے مارے۔ سنٹرل بورڈ آف بالواسطہ ٹیکس اور کسٹمز کے عہدیداروں کو بتایا گیا ہے کہ پیوش جین سے کروڑوں روپے برآمد ہوئے ہیں۔ سی بی آئی سی کے چیئرمین وویک جوہری کے مطابق چھاپوں میں تقریباً 150 کروڑ روپے کی نقدی ضبط کی گئی ہے۔ نوٹوں کی گنتی جاری ہے۔

DT Network