روسی صدر کا انتہائی اہم بیان- پیغمبر اسلام کی شان میں گستاخی آزادی اظہار رائے نہیں ہے۔

روسی صدر کا انتہائی اہم بیان- پیغمبر اسلام کی شان میں گستاخی آزادی اظہار رائے نہیں ہے۔

نئی دہلی: روس کے صدر ولادیمیر پیوتن نے کہا ہے کہ پیغمبر اسلام حضرت محمد ﷺ کی شان میں گستاخی آزادیٔ اظہارِ رائے نہیں۔

روسی خبر رساں ایجنسی تاس کے مطابق روسی صدر ولادیمیر پیوتن نے جمعرات کو سالانہ پریس کانفرنس کی۔

سالانہ پریس کانفرنس میں روسی صدر کا کہنا تھا کہ شان رسالت ﷺ میں گستاخی لوگوں کو ناراض کرنے اور اشتعال دلانے کا باعث بنتی ہے اور پیغمبر اسلام حضرت محمد ﷺ کی شان میں گستاخی آزادیٔ اظہارِ رائے نہیں۔

روسی صدر کا کہنا تھا کہ آزادی آپ کے اردگرد لوگوں کو عزت دینے کا نام ہے۔

متنازع فرانسیسی میگزین چارلی ہیبڈو پر حملے کی طرف اشارہ کرتے ہوئے روسی صدر کا کہنا تھاکہ ایسی حرکتیں انتہا پسندی کی طرف لے جاتی ہیں۔ ان کا کہنا تھاکہ آزادی آپ کے اردگرد لوگوں کو عزت دینے کا نام ہے۔

پاکستان کے وزیر اعظم عمران خان نے روسی صدر پتن کے بیان کا خیرمقدم کیا ہے۔ ایک بیان میں عمران خان کا کہنا تھا کہ روسی صدر کا بیان میرے مؤقف کی تائید ہے کہ شان رسالت ﷺ میں گستاخی آزادی رائے نہیں۔ انہوں نے کہا کہ اسلاموفوبیا سے مقابلے کیلئے مسلم قیادت کو یہ پیغام دنیا تک پہنچانا چاہیے۔