سلمان خان نے سعودی عرب پہنچ کر کیا یہاں فلم کی شوٹنگ کرنے کی خواہش کا اظہار۔

سلمان خان نے سعودی عرب پہنچ کر کیا یہاں فلم کی شوٹنگ کرنے کی خواہش کا اظہار۔

سعودی عرب میں رونما ہونے والی تبدیلیاں قابل تعریف، یہاں فلم کی شوٹنگ کا خواہش مند ہوں: 

جدہ: ہندوستانی فلم اسٹار سلمان خان نے ہفتہ کے روز ریاض سیزن 2021 کی سرگرمیوں کے دوران بالی ووڈ اسٹارز کی جانب سے پیش کیے گئے پہلے شو میں شرکت کرتے ہوئے مملکت سعودی عرب میں آنے پر مسرت کا اظہار کیا ہے۔ انہوں نے سعودی عرب میں رونما ہونے والی تبدیلیوں اور ریاض سیزن میں ہونے والے بڑے واقعات کی بھی تعریف کی۔ 

انہوں نے اس عظیم تبدیلی کی بھی تعریف کی جو مشرقی صوبے کے دورے میں دیکھنے میں آئی۔ انہوں نے سعودی عرب میں ترقی پر اپنی خوشی کا اظہار کیا۔ سلمان خان نے کہا کہ سعودی خوش رہنے والے اورمسکراتے چہروں والے لوگ ہیں۔ان کے چہروں پر اس سے زیادہ خوبصورت کوئی چیز نہیں ہے جو وہ دیکھ رہے ہیں۔انہوں نے مملکت سعودی عرب میں شوٹنگ کی جانے والی فلم میں حصہ لینے کی اپنی خواہش کا اظہار کیا۔

سلمان خان نے کہا کہ مملکت کی ثقافتوں کی یکسانیت کے پیش نظر یہ ان کی فنی زندگی میں امتیازی نشان ثابت ہوگی اور وہ سعودی عرب میں فلم کی شوٹنگ کے منتظر ہیں۔اس موقعے پر خان ٹیم کی اسٹار شلپا شیٹی نے کہا کہ وہ ریاض سیزن 2021 کی سرگرمیوں میں حصہ لے کر بہت خوش ہیں۔ انہوں نے کہا کہ یہ مملکت میں میری پہلی حاضری ہے اور میں سب کو اس خوبصورتی اور حیرت انگیز ترقی کے بارے میں بتاؤں گی جو میں نے مملکت اور ریاض سیزن میں میں دیکھی ہے۔

یہ بات قابل ذکر ہے کہ اداکار سلمان خان کے لیے جمعے کو منعقد ہونے والا کنسرٹ اس سال بین الاقوامی کنسرٹس کے سیزن کی سرگرمیوں کا حصہ ہے جو کہ بولیوارڈ ریاض سٹی سے متصل بلیوارڈ پلس کے علاقے میں واقع بین الاقوامی تھیٹر میں ہوا۔خان بالی ووڈ کے سب سے نمایاں فنکاروں میں سے ایک ہیں، جن کی فلموں کی تعداد 107 سے زیادہ ہے۔