پارلیمینٹ کا سرمائی اجلاس مقررہ وقت سے ایک دن پہلے ہی ختم، جانئے کتنے گھنٹے ہوا کام اور کتنے بل ہوئے پاس۔

پارلیمینٹ کا سرمائی اجلاس مقررہ وقت سے ایک دن پہلے ہی ختم، جانئے کتنے گھنٹے ہوا کام اور کتنے بل ہوئے پاس۔

نئی دہلی: پارلیمنٹ کا سرمائی اجلاس اپنے مقررہ وقت سے ایک دن قبل بدھ کو ختم ہوگیا۔ بدھ کی صبح دونوں ایوانوں کی کارروائی غیر معینہ مدت تک ملتوی کر دی گئی۔ موجودہ سرمائی اجلاس 29 نومبر کو شروع ہوا اور 23 دسمبر تک جاری رہنا تھا۔

راجیہ سبھا کی کارروائی بدھ کو غیر معینہ مدت تک ملتوی کر دی گئی۔ جیسے ہی ایوان کی کارروائی 11 بجے شروع ہوئی، چیئرمین ایم وینکیا نائیڈو نے ضروری دستاویزات ایوان کی میز پر رکھ دیئے۔ اس کے بعد حزب اختلاف کے لیڈر ملکارجن کھرگے نے ایک اخباری رپورٹ کا حوالہ دے کر ایودھیا سے متعلق مسئلہ اٹھانے کی کوشش کی لیکن نائیڈو نے انہیں اجازت نہیں دی۔ چیئرمین نے کھرگے سے کہا کہ انہیں اس مسئلہ کو اٹھانے کے لئے نوٹس دینا چاہئے تھا۔

اس دوران لوک سبھا کی 18 نشستیں ہوئیں اور ایوان کی کارکردگی 82 فیصد رہی، جب کہ خلل کی وجہ سے 18 گھنٹے 48 منٹ ضائع ہوئے۔ لوک سبھا کے اسپیکر اوم برلا نے کہا، "یہ سیشن 29 نومبر سے شروع ہوا اور اس دوران کل 18 نشستیں ہوئیں جو 83 گھنٹے 12 منٹ تک جاری رہیں۔" حلف لیا۔ برلا نے کہا کہ اس سیشن میں اہم مالیاتی اور قانون سازی کے معاملات کو نمٹایا گیا اور 12 سرکاری بل پیش کیے گئے اور 9 بل منظور کیے گئے۔