Latest News

دھرم سنسد میں زہر آلود بیان بازی کے معاملہ میں پہلی گرفتاری، جتیندر نارائن تیاگی کو ہریدوار پولیس نے کیا گرفتاری۔

دھرم سنسد میں زہر آلود بیان بازی کے معاملہ میں پہلی گرفتاری، جتیندر نارائن تیاگی کو ہریدوار پولیس نے کیا گرفتاری۔
دہرادون: گزشتہ دنوں ہریدوار میں منعقد مبینہ دھرم سنسد میں مسلمانوں کے خلاف زہر آلود بیان دینے والے جتیندر نارائن تیاگی عرف وسیم رضوی کو جمعرات کو ہریدوار پولیس نے گرفتار کر لیا ہے۔ ہریدوار آتے ہوئے پولیس نے اسے نرسن بارڈر پر گرفتار کر لیا۔ جتیندر کو گرفتار کرنے کے بعد پولس اسے سیدھے ہریدوار کوتوالی لے گئی۔ تیاگی کی گرفتاری کی اطلاع ملتے ہی بہت سے لوگ کوتوالی پہنچ گئے۔ جس میں متنازعہ سوامی درشن بھارتی بھی شامل ہیں۔
شیعہ وقف بورڈ کے سابق صدر وسیم رضوی عرف نارائن تیاگی جو ایک عرصے سے اسلام کے خلاف تبصرہ کرتے رہے ہیں، نے حال ہی میں اسلام چھوڑ کر ہندو مذہب قبول کیا ہے۔ وسیم رضوی، جو اسلام کے خلاف اپنی کتاب کی وجہ سے سرخیوں میں آئے تھے، بعد میں جتیندر نارائن سنگھ تیاگی کے نام سے مشہور ہوئے۔ انہی جتیندر تیاگی اور کچھ دوسرے لوگوں کے خلاف ہریدوار میں منعقدہ ایک مبینہ دھرم سنسد میں مسلمانوں کے خلاف زہریلے بیان دینے پر مقدمہ درج کیا گیا تھا۔
اس معاملے کے سلسلے میں آج ہریدوار آتے ہوئے ہریدوار پولس نے اسے نرسن بارڈر پر حراست میں لیا، حراست میں لینے کے بعد پولیس وسیم رضوی کے ساتھ ہریدوار کوتوالی پہنچی۔
اس دھرم سنسد کا انعقاد 17 سے 19 دسمبر تک کھرکھری میں واقع وید نکیتن میں کیا گیا۔ مسلمانوں کے خلاف زہریلی تقریر کرنے کا ویڈیو وائرل ہونے کے بعد جتیندر نارائن تیاگی عرف وسیم رضوی اور دیگر کے خلاف مقدمہ درج کیا گیا تھا۔ جوالا پور کے رہائشی گلبہار خان نے شیعہ وقف بورڈ کے چیئرمین جتیندر نارائن تیاگی عرف وسیم رضوی کے خلاف مقدمہ درج کرایا تھا۔ بعد ازاں مقدمے میں چار سنتوں کے نام بھی شامل کیے گئے۔ گرفتاری کے بعد پولیس جتیندر سے ضروری پوچھ گچھ کر رہی ہے۔ تفتیش مکمل ہونے کے بعد اسے عدالت میں پیش کیا جائے گا۔

DT Network

Post a Comment

0 Comments

خاص خبر