وزیر ریلوے نے پہلے پوسٹ مین بھیجا پھر مسجد سے کرایا اعلان، تب جلپائی گوڑی میں گوہاٹی ۔بیکانیر ٹرین حادثے کے اہل خانہ سے ہو سکا رابطہ۔
نئی دہلی: گوہاٹی۔بیکانیر ریل حادثے میں زخمیوں کے گھر اطلاع پہنچانے کےلئے وزیر ریل نےپہلے گائوں میں ڈاکیے کو بھیجا، جب اہل خانہ کا علم نہیں ہوسکا تو مسجد سے اعلان کرایاگیا تب جاکر اہل خانہ سے رابطہ ممکن ہوسکا اور اہل خانہ زخمیوں کے پاس پہنچنے کےلیے گائوں سے نکل چکے ہیں، حالانکہ موبائل کے دور میں ڈاکیے اور مسجد کی بات بڑی عجیب لگ رہی ہے لیکن ٹرین حادثے میں ایسا ہی ہوا ہے، معاملے میں ریلوے وزیر اشونی ویشنو نے مداخلت کی جس کے بعد اطلاع پہنچی۔
واضح رہے کہ وزیر ریل جلپائی گوڑی میں گوہاٹی بیکانیر ٹرین حادثہ کے بعد کل رات ہی کلکتہ پہنچ گئے تھے ،اور آج وہ اسپیشل ٹرین کے ذریعہ جائے حادثہ مینگوری پہنچ گئے ہیں ان کے ساتھ ریلوے بورڈ کے چیئرمین، ریلوے بورڈ کے ڈی جی (سیفٹی) بھی موجود ہیں۔
مرکزی وزیر ریلوے اشونی ویشنونے نامہ نگاروں کو بتایا کہ جائے حادثہ تکنیکی خرابی کی وجہ سے ہواہے اور اس بات کی تحقیق کی جارہی ہے لاپرواہی کہاں پر ہوئی۔تکنیکی خرابی کی شناخت پہلے کیوں نہیں کی تھی۔کس حصے نے کا م کرنا چھوڑ دیا تھا۔ٹرین ڈرائیور سے بھی تحقیق کی جاری ہے۔اس حادثے کے پیچھے کوئی سازش ہے؟اس سوال کے جواب میں مرکزی وزیر ریلوے نے کہاکہ ابھی یقینی طور پر کچھ کہنا ممکن نہیں ہے۔ میں یہاں حادثے کی اصل وجہ جاننے آیا ہوں۔ تحقیقات بھی شروع کر دی گئی ہیں۔ وزیراعظم اس معاملے پر نظر رکھے ہوئے ہیں۔ میں بھی وزیر اعظم نریندر مودی سے رابطے میں ہوں۔
0 Comments