یورپی پارلیمنٹ میں یوکرین کے صدر کی جذباتی تقریر، کہا ثابت کریں آپ ہمارے ساتھ ہیں۔

یورپی پارلیمنٹ میں یوکرین کے صدر کی جذباتی تقریر، کہا ثابت کریں آپ ہمارے ساتھ ہیں۔

نئی دہلی :(ایجنسی) یوکرین پر روس کے حملے کا چھٹا دن ہے۔ روس نے دارالحکومت کیف اور خارکیف میں حملے تیز کر دیے ہیں۔ روسی فوج یوکرین کے کئی شہروں پر مسلسل بمباری کر رہی ہے۔ اس دوران یوکرین کے صدر نے یورپی پارلیمنٹ میں سخت نکتہ چینی کی جس کے بعد اسمبلی تالیوں سے گونج اٹھی۔

یوکرین کے صدر ولادیمیر زیلینسکی نے یورپی پارلیمنٹ کو بتایا، ’’ہم اپنی سرزمین اور اپنی آزادی کے لیے لڑ رہے ہیں، اس حقیقت کے باوجود کہ ہمارے تمام شہروں کو بلاک کر دیا گیا ہے۔ کوئی ہمیں توڑنے والا نہیں ہے، ہم مضبوط ہیں، ہم یوکرینی ہیں۔‘‘

یوکرین پر روس کے حملے کی دنیا بھر میں مذمت کی جا رہی ہے۔ اس کے بعد روس پر کئی طرح کی پابندیاں عائد کی جا رہی ہیں۔ امریکہ نے اپنے شہریوں سے کہا ہے کہ وہ فوری طور پر روس سے نکل جائیں۔ اسی دوران منگل کو روس کی فائرنگ میں ایک ہندوستانی طالب علم نوین شیکھرپا مارا گیا۔ دریں اثنا، بھارتی حکومت یوکرین سے اپنے لوگوں کو نکالنے کی مہم جاری رکھے ہوئے ہے۔ ہزاروں ہندوستانی طلباء اب بھی یوکرین میں پھنسے ہوئے ہیں جنہیں پڑوسی ممالک کے راستے ہندوستان لایا جا رہا ہے۔

وہیں وزیر اعظم نریندر مودی نے منگل کی شام یوکرین بحران پر ایک اعلیٰ سطحی میٹنگ کی صدارت کی۔ اس میٹنگ میں کئی مرکزی وزراء موجود رہے۔ اس سے پہلے آج حکومت نے کہا کہ یوکرین میں پھنسے ہندوستانی شہریوں کو بچانے کے لیے فضائیہ کی مدد لی جائے گی۔

لوگوں نے یوکرین پر روس کے حملے پر دہلی میں یوکرین کے سفارت خانے کے باہر موم بتیاں روشن کرکے روس-یوکرین جنگ میں اپنی جانیں گنوانے والوں کو خراج عقیدت پیش کیا۔ اس دوران ہندوستان میں یوکرین کے سفیر بھی موجود تھے۔ اس دوران ہندوستان میں یوکرین کے سفیر ڈاکٹر ایگور پولیکھا نے کہا کہ روس کی یوکرین میں دراندازی کو 6 دن ہوچکے ہیں۔ ہماری فوج دنیا کی طاقتور ترین فوجوں میں سے ایک کو روکنے میں کامیاب رہی ہے۔ بدقسمتی سے اس جنگ میں روس یوکرین کے فوجیوں کے ساتھ بڑی تعداد میں عام شہری بھی اپنی جانوں سے ہاتھ دھو رہے ہیں۔