راہل کی بھارت جوڑو یاترا میں بھگدڑ، ایک شخص زخمی۔

ممبئی: مہاراشٹر کے واشم ضلع کے راجگاؤں علاقے میں منگل کی صبح کانگریس لیڈر راہل گاندھی کی بھارت جوڑی یاترا کے دوران اچانک بھگدڑ مچنے سے ایک راہگیر زخمی ہو گیا۔ زخمی کو فوری طور پر قریبی اسپتال میں داخل کرایا گیا۔مہاراشٹر میں راہل گاندھی کی بھارت جوڑی یاترا کا آج نواں دن ہے۔ صبح کے وقت بھگدڑ مچ گئی جب غیر متوقع طور پر بڑی تعداد میں لوگ پہنچ گئے۔ ہندوستان جوڑو یاترا کا راجگاؤں کی مراٹھواڑہ ودربھ سرحد پر روایتی مراٹھی ثقافت کے مطابق استقبال کیا گیا۔ سونیا گاندھی 1999 میں واشم آئی تھیں۔ راہل گاندھی 23 سال بعد واشم آئے ہیں۔ نانا پٹولے، مانیکراؤ ٹھاکرے، سابق وزیر یشومتی ٹھاکر، ایم ایل اے امیت جنک نے بھارت جوڑو یاترا میں حصہ لیا۔راہل گاندھی نے کہا کہ میں نے ملک کے لیے اپنا خاندان کھو دیا ہے۔ ملک میں خوف کی فضا ہے۔ لیکن میں کسی سے نہیں ڈرتا۔ انہوں نے کہا کہ یہ یاترا عوام میں اعتماد پیدا کرے گی۔ لوگوں کی حمایت مل رہی ہے، لگتا ہے اب تبدیلی آئے گی۔