جیتتے ہی بے وفائی: کانگریس کے تین کونسلر پہنچے’آپ’ کی پناہ میں۔

نئی دہلی : ایم سی ڈی نتائج آنے کے بعد کانگریس کو ایک بڑا جھٹکا لگا ہے ۔ کانگریس کے دو کونسلروں نے عام آدمی پارٹی میں شمولیت اختیار کرلی ہے ۔ گزشتہ 15 سالوں سے ایم سی ڈی میں بی جے پی کی حکومت تھی جو اب عام آدمی پارٹی کے پاس پہنچ گئی ہے ۔ دہلی کانگریس کے نائب صدر علی مہندی ، برج پوری وارڈ سے کانگریس کونسلر نازیہ خاتون اور مصطفی آباد وارڈ سے کونسلر سیبلہ بیگم نے عام آدمی پارٹی جوائن کرلی ہے ۔

پارٹی کے میونسپل کارپوریشن انچارج درگیش پاٹھک نے دونون کونسلروں کو اے اے پی کی رکنیت دلائی ۔ قابل ذکر ہے کہ عام آدمی پارٹی نے ایم سی ڈی میں بدھ کو 134 سیٹ جیت کر اس کارپوریشن پر بی جے پی کے 15 سال کے اقتدار کا خاتمہ کردیا تھا ۔