نئی دہلی:  دہلی سے اتراکھنڈ میں واقع اپنے گھر لوٹتے وقت ہندوستانی کرکٹر رشبھ پنت کی گاڑی کو بڑا حادثہ پیش آیا ہے۔ اس حادثہ میں رشبھ پنت شدید طور پر زخمی ہوئے ہیں اور انہیں اسپتال میں داخل کرایا گیا ہے۔رپورٹ کے مطابق رشبھ پنت کی بی ایم ڈبلیو کار روڑکی کے نارسن بارڈر پر محمد پور جھال کے قریب موڑ پر حادثے کا شکار ہو گئی۔ فی الحال پنت کی حالت مستحکم بتائی جا رہی ہے۔ کچھ تصاویر منظر عام پر آئی ہیں جن میں ان کی کمر پر خرونچ کے نشانات دیکھے جا سکتے ہیں لیکن راحت کی خبر یہ ہے کہ رشبھ پنت فی الحال خطرے سے باہر ہیں۔رپورٹ کے مطابق، رشبھ پنت کی گاڑی ڈیوائڈر پر لگی ریلنگ سے ٹکرائی اور اس میں آگ لگ گئی۔ آس پاس کے دیہی علاقوں کے لوگوں نے موقع پر پہنچ کر آگ پر قابو پایا اور اس کے بعد انہیں قریبی اسپتال میں داخل کرایا گیا۔ انہیں فوری طور پر دہلی روڈ پر واقع سکشم اسپتال میں داخل کرایا گیا ہے۔ہندوستانی کرکٹر رشبھ پنت ) جمعہ کی علی الصبح ایک خوفناک کار حادثے کے دوران شدید زخمی ہو گئے۔ پنت اتراکھنڈ جا رہے تھے جب صبح 5:30 بجے ان کی کار ڈیوائیڈر سے ٹکرا گئی اور دہلی-دہرا دون ایکسپریس وے پر آگ لگ گئی۔ جائے واقعہ پر موجود پولیس نے اطلاع دی کہ پنت کی چوٹیں جان لیوا نہیں ہیں۔ دہرادون کے میکس اسپتال میں ان کے سر، کمر اور پاؤں میں فریکچر کی وجہ سے ان کی احتیاط سے طبی نگرانی کی جا رہی ہے۔پنت کی جلی ہوئی کار اور پنت کے سر میں خون آلود پٹی کے ساتھ اسپتال میں لیٹے ہوئے تصاویر نے ان کے شائقین اور دنیائے کرکٹ کو صدمہ پہنچایا لیکن خوش قسمتی سے ہندوستانی کرکٹر کی حالت مستحکم ہے۔پنت کی کار کے ڈیوائیڈر سے ٹکرانے کا اثر ایسا تھا کہ حادثے کے چند ہی منٹوں میں اس میں آگ لگ گئی۔ تاہم پنت زخمی ہونے کے باوجود اپنی کار کی ونڈ اسکرین کو توڑ کر باہر نکل گئے تاکہ موت سے بچا جا سکے۔آپ کو بتاتے چلیں کہ حال ہی میں سری لنکا کے دورے کے لیے ہندوستانی ٹیم کا اعلان کیا گیا ہے۔ وراٹ کوہلی، روہت شرما، کے ایل راہل اور رشبھ پنت کا انتخاب ٹی-20 ٹیم کے لئے نہیں کیا گیا ہے۔ تاہم پنت بھی ون ڈے سیریز کے لیے منتخب ٹیم کا حصہ نہیں ہیں۔ گھٹنے کی چوٹ کی وجہ سے انہیں بحالی کے لیے این سی اے بھیجا گیا تھا۔ سری لنکا کے خلاف ٹی-20 سیریز کا آغاز 3 جنوری سے ہو رہا ہے۔ ساتھ ہی ون ڈے سیریز 10 جنوری سے شروع ہوگی۔ ساتھ ہی بنگلہ دیش کے خلاف حال ہی میں ختم ہونے والی ٹیسٹ سیریز کے دوسرے ٹیسٹ میں پنت نے 93 رنز کی شاندار اننگز کھیلی۔ بھارت نے ٹیسٹ سیریز 2-0 سے اپنے نام کی تھی۔