این آئی اے کا ملک گیر چھاپہ، ٹیررفنڈنگ کے خلاف ۸؍ ریاستوں میں کارروائی، کئی گرفتاریاں۔

 نئی دہلی: قومی جانچ ایجنسی (این آئی اے) نے آج (منگل) صبح ملک کی آٹھ ریاستوں میں ۷۰سے زیادہ مقامات پر چھاپے مارے ہیں۔ یہ کارروائی پنجاب، ہریانہ، راجستھان، دہلی، چنڈی گڑھ، اترپردیش، گجرات اور مدھیہ پردیش میں کی گئی ہے۔نیشنل انویسٹی گیشن ایجنسی نے یہ کارروائی گینگسٹر اور اس کے مجرمانہ سنڈیکیٹ کے خلاف درج مقدمے پر کی ہے۔ ذرائع کے مطابق این آئی کی تفتیش میں کئی لوگوں کے نام سامنے آئے۔این آئی اے کو تحقیقات میں کچھ ثبوت بھی ملے ہیں۔ این آئی اے نے جن غنڈوں پر چھاپہ مارا ہے ان میں لارنس بشنوئی کا ساتھی کلوندر اور پیلی بھیت میں دلباغ سنگھ نام کا ایک شخص شامل ہے۔ گینگسٹر نیٹ ورک کے خلاف این آئی اے کا یہ چوتھا چھاپہ ہے۔ این آئی کے اس چھاپے میں پنجاب میں کینیڈا میں دہشت پھیلانے والے لکھبیر لنڈا کے علاوہ گینگسٹر لارنس اور گولڈی برار کے قریبی رشتہ داروں پر چھاپہ مارا گیا ہے۔ بتادیں کہ این آئی نے چند روز قبل لکھبیر لنڈا کو دہشت گرد قرار دیا تھا۔ اس کے بعد سے ان کے قریبی رشتہ داروں کی مسلسل نگرانی کی جا رہی ہے۔این آئی اے نے پنجاب کے ترن تارن اور فیروز پور میں کئی مقامات پر چھاپے مارے ہیں۔ اس کے علاوہ یوپی کے پرتاپ گڑھ اور پیلی بھیت میں چھاپے مارے گئے ہیں۔ ہریانہ میں موہن پور گاؤں میں گینگسٹر سریندر عرف چیکو کے گھر اور نارنول کے سیکٹر-1 میں اس کے ایک رشتہ دار کے گھر پر چھاپے مارے گئے ہیں۔ اس کے علاوہ گجرات اور راجستھان میں بھی کئی مقامات پر چھاپے مارے گئے ہیں۔