جمعیۃ علماء بڈھانہ کی جانب سے غریب ضرورتمندوں میں رمضان کٹ تقسیم۔

مظفر نگر: سمیر چودھری۔

رمضان کا مقدس مہینہ شروع ہو گیا ہے مسلمان روزے رکھ رہے ہیں۔ جمعیۃ علماء بڈھانہ کے زیراہتمام شہر سکریٹری نوید فریدی کے تعاون سے رمضان کٹ تقسیم کیمپ کا انعقاد کیا گیا۔راشن تقسیم کا آغاز دعا سے کیا گیا۔ راشن کٹ میں چاول، آٹا، چینی، تیل، مصالحہ جات، دال، کھجور، صابن وغیرہ رکھے گئے ہیں، تصاویر نہ لینے کا بھی فیصلہ کیا گیا ہے۔اطلاع کے مطابق مولانا عمران حسین پوری نے قصبہ کی نئی بستی میں دعا کراتے ہوئے راشن کیمپ کا افتتاح کیا۔مولانا عمران نے کہا کہ غریبوں کی مدد کی جائے کیونکہ ان کا حق ہم پر ہے۔شہرصدر حافظ شیردین نے تعریف کرتے ہوئے کہا کہ جمعیة علماءکے تمام عہدیداران اپنی اپنی گلی، محلے اور محلے میں غریبوں کی مدد کریں۔ قریبی علاقوں میں اس مدد کو خفیہ بنائیں اور کسی بھی طرح سے دکھاوا نہ کریں۔انہوں نے شہرسیکرٹری کی تعریف کی۔ کیمپ کنوینرمحمد نوید فریدی نے کہا کہ عوام کی خدمت کرنامیرے لیے فخر کی بات ہے، انہوں نے کہا کہ امداد کا دائرہ اور بڑھایا جائیگا یہی ان کا مقصد ہے۔ضلعی سیکرٹری و میڈیا انچارج محمد آصف قریشی نے کہا کہ جمعیةعلماءبڈھانہ کسی کی تصویر لیے بغیر مدد کرتی ہے۔انہوں نے کہا کہ جمعیة علماءکے تمام کارکنان غریبوں کی امداد میں زیادہ سے زیادہ ہاتھ بڑھائیں اور غریبوں کی مدد کریں۔