بہار شریف کے حالیہ فسادات سے متعلق آل انڈیا ملی کونسل اور جمعیۃ علماء بہار نے چیف سکریٹری کو سونپا میمورنڈم۔

پھلواری شریف: پریس ریلیز۔

آل انڈیا ملی کونسل کے قومی نائب صدر مولانا انیس الرحمن قاسمی اورجمعیۃ علماء بہار کے جنرل سکریٹری ڈاکٹر فیض احمد قادری نے بہار شریف کے فساد زدہ علاقے کا دورہ کرنے کے بعد مکمل صورت حال سے متعلق ایک میمورنڈم بہار کے چیف سکریٹری جناب عامر سبحانی صاحب کوپیش کیا،جس میں یہ کہاکہ بہار شریف میں انتظامیہ نے جلوس نکالنے والوں کو قانون کے خلاف کام کرنے میں چھوٹ دی اورسختی سے گزیر کیا،جس کی وجہ سے مال وجان کو غیر معمولی نقصان پہونچا،جب کہ یہ معلوم تھا کہ ایک دن پہلے یعنی 31مارچ کو رام نومی کا جلوس نہ نکالنے کے پیچھے ان کے شرانگیزی کے منصوبے تھے،سال گزشتہ بھی صوبہ کے کئی مقام پر رام نومی کے جلوس کی وجہ سے فرقہ وارانہ تناؤ پیدا ہوا تھا۔وفد نے حکومت سے مطالبہ کیا کہ(۱)آئندہ اس طرح کے واقعات نہ ہو؛ اس کا مستقل حل نکالیں، اس کے لیے جلوس کی تعداد کو محدود کریں،ہتھیاروں کی نمائش پر روک لگائیں اورپولس کو زیادہ تعداد میں متعین کریں۔(۲)اس فساد کی جانچ صحیح طور پر کرائی جائے اورتمام ہی شرپسندوں کو سزادی جائے۔(۳)اس وفد کا یہ بھی مطالبہ ہے کہ حکومت تمام متأثرین کا صحیح سروے کرکے مکمل معاوضہ دے۔(۴)زخمیوں کا علاج کرائے اوران کو معاوضہ ادا کرے۔(۵)مدرسہ عزیزیہ کی عمارت کو غیر معمولی نقصان پہونچا ہے؛اس لیے حکومت اقلیتی وزارت کی طرف سے نئی عمارت کرائے۔(۶)بے قصوروں کی گرفتاری پر روک لگائی جائے۔