نئی دہلی: مرکزی الیکشن کمیشن نے ملک کی تین قومی جماعتوں کو جھٹکا دیا ہے۔ جس کے تحت الیکشن کمیشن نے سی پی آئی، ٹی ایم سی اور این سی پی پارٹیوں کے قومی حیثیت ختم کردی گئی ہے۔ مرکزی الیکشن کمیشن نے ان تینوں جماعتوں سے قومی پارٹی کا درجہ ختم کرنے کا فیصلہ کیا ہے۔ جولائی 2019 میں، مرکزی الیکشن کمیشن نے این سی پی، ٹی ایم سی اور سی پی آئی پارٹیوں کو وجہ بتاؤ نوٹس جاری کیا۔ اس نے وضاحت طلب کی کہ کیوں اس سال لوک سبھا انتخابات میں ان کی کارکردگی کے بعد متعلقہ پارٹیوں کی قومی پارٹی کی حیثیت کو منسوخ نہیں کیا جانا چاہئے۔ جس کے بعد تین جماعتوں کی قومی حیثیت منسوخ کر دی گئی۔
اس کے ساتھ ہی مرکزی الیکشن کمیشن نے عام آدمی پارٹی کو خوشخبری سنائی ہے۔ الیکشن کمیشن نے اعلان کیا ہے کہ عام آدمی پارٹی کو بطور قومی پارٹی کا درجہ دیا جائے گا۔ حال ہی میں، مرکزی الیکشن کمیشن نے عام آدمی پارٹی کو قومی پارٹی کا درجہ دینے کا فیصلہ کیا ہے، جو کئی ریاستوں کے انتخابات میں اپنے ووٹوں کا حصہ بڑھا رہی ہے۔
مرکزی الیکشن کمیشن نے اتر پردیش میں آر ایل ڈی پارٹی کو جھٹکا ديا ہے۔ پارٹی کی حیثیت واپس لے لی۔ اس کے ساتھ ہی مغربی بنگال میں ریوولیوشنری سوشلسٹ پارٹی کی ریاستی پارٹی کی حیثیت بھی منسوخ کر دی گئی۔ مرکزی الیکشن کمیشن نے آندھرا پردیش میں بی آر ایس کی ریاستی پارٹی کی شناخت منسوخ کر دی۔ منی پور میں پی ڈی اے اور پڈوچیری میں پی ایم کے پارٹی کی بھی ریاستی حیثیت کو منسوخ کر دیا۔ دوسری طرف میگھالیہ میں وائس آف پیپلز پارٹی کو ریاستی پارٹی کا درجہ دیا گیا ہے۔ لوک جن شکتی پارٹی (رام ولاس) کو ناگالینڈ میں ریاستی پارٹی کے طور پر تسلیم کیا گیا ہے۔ ٹیپرا موٹا پارٹی کو تریپورہ میں ریاستی پارٹی کے طور پر تسلیم کیا گیا۔
0 Comments