ہم حجاب پر پابندی ہٹائیں گے: نو منتخب کانگریس رکن اسمبلی کنیز فاطمہ کا عزم۔

دوسری بار کانگریس کے ٹکٹ پر ایم ایل اے بنیں کنیز فاطمہ نے ہفتہ کو کہا کہ کانگریس کرناٹک کے تعلیمی اداروں سے حجاب پر پابندی ہٹائے گی۔

فاطمہ، جو کرناٹک نومنتخب اسمبلی میں اکلوتی مسلم خاتون رکن ہیں، نے نیوز ویب سائٹ اسکرول کو بتایا: "انشاء اللہ، ہم آنے والے دنوں میں حجاب پر پابندی ہٹا لیں گے۔””ہم ان لڑکیوں کو کلاسوں میں واپس لائیں گے اور وہ اپنے امتحانات میں شرکت کر سکیں گی۔ انہوں نے دو قیمتی سال ضائع کیے ہیں،‘‘

شمالی گلبرگہ کی ایم ایل اے کنیز فاطمہ، جنہوں نے کرناٹک کے تعلیمی اداروں میں لڑکیوں کے حجاب پہننے کے حق کے لیے جدوجہد کی، بی جے پی کے چندرکانت پاٹل کو 2,712 ووٹوں سے شکست دے کر اپنی سیٹ برقرار رکھی۔ 63 سالہ فاطمہ نے 45.28 فیصد ووٹ شیئر کے ساتھ 80,973 ووٹ حاصل کیے، جبکہ پاٹل نے 43.76 فیصد ووٹ شیئر کے ساتھ 78,261 ووٹ حاصل کیے۔ آزاد ہندوستان میں ہماری آزادی ہے۔ ہم لوگوں سے ان کے کپڑوں پر سوال نہیں کرتے۔ اس معاملے پر لڑکیوں کو کالجوں میں جانے سے نہ روکا جائے۔

فاطمہ تجربہ کار سیاست دان مرحوم قمر الاسلام کی اہلیہ ہیں جو سابق وزیر اور چھ بار مقامی ایم ایل اے رہ چکے ہیں۔ گلبرگہ نارتھ کو 2008 اور 2013 میں قمرالاسلام نے جیتا تھا۔

واضح ہو کنیز فاطمہ نے اپنے طور پر یہ بات کہی ہے جبکہ کانگریس نے اپنے انتخابی منشور میں پابندی ہٹانے کے بارے میں کوئی اعلان نہیں کیا۔