روبینہ نے روبی اوستھی بن کر اپنے ہندو عاشق سے مندر میں کی شادی، گھر والوں کا نابالغ لڑکی کو بہلا پھسلا کر لے جانے کا الزام۔

لکھنؤ: یوپی کے بہرائچ ضلع میں روبینہ بیگم نامی ایک مسلمان لڑکی نے روبی اوستھی بن کر کر مندر میں اپنے عاشق کے نام سے سندور بھرا اور اس کی جیون ساتھی بن گئی۔ معاملہ بہرائچ ضلع کے کوتوالی دیہات علاقہ سے متعلق ہے۔ جہاں شیو پورہ گاؤں کی رہنے والی روبینہ بیگم اب روبی اوستھی بن گئی ہیں۔ ہندو رسم و رواج کے مطابق روبینہ نے اپنے گاؤں کے شیش کمار اوستھی نامی عاشق سے مندر میں اپنی مانگ میں سندور بھر کر شادی کر لی ہے۔

بتا دیں کہ لڑکا فریق دونوں کی شادی سے بہت خوش ہے۔ جبکہ لڑکی فریق ناراض ہے۔ تاہم، پولیس کی حفاظت میں، دونوں نے 6 جون کو ایک مندر میں شادی کی. شیش اور روبینہ نے پولیس کی حفاظت میں شادی کی۔ اس کے بعد دونوں مندر گئے اور پوجا کی۔ 15 دن پہلے دونوں شادی کے لیے گاؤں سے فرار ہوئے تھے۔ بتا دیں کہ روبی اور شیش دونوں شیو پورہ گاؤں کے رہنے والے ہیں۔ دونوں کی ملاقات تقریباً 2 سال پہلے ہوئی تھی۔ روبی کی عمر 18 سال ہے اور وہ بیچلر کی طالبہ ہے۔ جبکہ شیش کی عمر 21 سال ہے اور وہ پرائیویٹ جاب کرتا ہے۔ تقریباً 15 دن پہلے دونوں گاؤں سے بھاگ کر شادی کرنے ممبئی گئے تھے۔

لڑکی کے اہل خانہ نے اس کی شکایت پولیس سے کی تھی۔ ان لوگوں نے شیش کے خلاف اپنی بیٹی کو اغوا کرنے کا مقدمہ درج کرایا تھا۔ اہل خانہ کا کہنا تھا کہ ان کی بیٹی نابالغ ہے اور شیش اسے لالچ میں لے گیا ہے۔ گاؤں میں کشیدہ ماحول کو دیکھتے ہوئے پولیس نے دونوں کو ممبئی سے بازیاب کرالیا۔ اس کے بعد لڑکی کو ون اسٹاپ سینٹر بھیج دیا گیا۔ لڑکے کو پولیس کی تحویل میں رکھا گیا۔ روبینہ کا کہنا ہے کہ اب وہ زندگی بھر ہندو ہی رہیں گی۔