دو لاکھ روپے دے کر گھر لائی گئی دلھن، دو دن بعد نقدی، زیورات اور موبائل لے کر فرار۔

مظفرنگر: عزیز الرحمن خاں۔

پننہ کے دیپک کو شادی کے نام پر دھوکہ دیا گیا ہے۔ اس نے اپنے جاننے والے کھیڑی دودھدھاری کے سوہن ویر سے شادی کے لیے لڑکی کا ذکر کیا تھا۔ سوہن ویر نے غازی آباد کے اپنے جاننے والے امت سے بات چیت کی۔ اس کے بعد سوہن ویر گھر آیا اور 20 اپریل کو لڑکی کو دیکھنے کے لیے دہلی جانے کیلئے کہا اور بتایا کہ لڑکی پسند آئے تو دو لاکھ خرچہ دینا پڑے گا۔ دہلی پہنچ کر لڑکی نے اپنا نام سپنا بتایا جو بنکٹ، وارانسی کی رہنے والی ہے۔ اسنے آدھار کارڈ بھی دکھایا۔ وعدہ پورا کرنے اور شادی کرنے کے بعد سپنا کو گھر لایا گیا۔ دو دن بعد گھر کے تمام افراد رات کو سونے کے بعد سپنا گھر میں رکھے 55 ہزار نقدی، کچھ زیورات، موبائل لے کر بھاگ گئی۔اگلی صبح جب سپنا نہیں ملی تو سوہن ویر وغیرہ سے بات ہوئی تو انہوں نے اس کی بات نہیں سنی۔ جب متاثرہ نے ایس ایس پی سے شکایت کی تو سٹی کوتوالی پولیس نے تمام ملزمان سوہن ویر، امیت، سپنا سنگھ اور دو دیگر کے خلاف مقدمہ درج کیا۔ کوتوالی پولیس کا کہنا ہے کہ واقعے کی تحقیقات شروع کردی گئی ہے۔