دہلی کا ایک ایسا منفرد مقام، جہاں خواتین آدھی رات کو لگاتی ہیں کپڑوں کا سستا بازار۔

نئی دہلی: عزیز الرحمن خاں۔

ہر بازار کی اپنی منفرد خصوصیات ہیں، لیکن دہلی کے بازاروں میں جو کچھ ہے، وہ آپ کو کہیں اور نہیں ملے گا۔ یہاں چاندنی چوک سوٹ اور ساڑھیوں کے لیے مشہور ہے، جب کہ قرول باغ کا بازار فرنیچر کے لیے بہترین ہے۔ وہاں، اگر آپ سستے سامان کی خریداری کرنا چاہتے ہیں، تو سروجنی نگر سے بہتر کوئی آپشن نہیں ہے۔

 یہ بازار دہلی کے رگھوبیر نگر میں واقع ہے جو تقریباً 5 ایکڑ اراضی پر پھیلا ہوا ہے، یہ بازار آج بھی لوگوں میں مشہور ہے۔ اور یہ بازار شمالی ہندوستان کے قدیم ترین بازاروں میں شمار ہے جو کہ رات 12 بجے شروع ہوتا ہے اور 4 بجے تک بند ہو جاتا ہے۔ یہ بازار گھوڑا منڈی کے نام سے بھی مشہور ہے۔ آپ سوچ رہے ہوں گے کہ یہ کیسا نام ہے تو نام کے پیچھے بھی کوئی بڑی وجہ ہے۔ بازار شری بابا رام دیو جی کے مندر کے سامنے واقع ہے، جو گھوڑے پر سوار ہوتے ہیں۔ اس لیے اس بازار کا نام دیا گیا۔ یہاں 12 بجے سے پہلے ہی سامان بیچنے والوں کی بھیڑ لگ جاتی ہے کیونکہ یہ بازار ٹھیک 12 بجے کھلتا ہے۔

 اس مارکیٹ میں آپ کو جوتے 50 سے 100 روپے میں ملیں گے جب کہ قمیص 10 سے 30 روپے میں مل جائے گی۔ یہاں ساڑی کی قیمت 20 سے 40 روپے کے درمیان ہے۔ یہ سوچ کر آپ حیران ہوں گے، اتنا سستا ہے لیکن یہ سچ ہے۔