ہندوستان کے دیکھنے کے لائق پانچ خوبصورت مواضعات، جہاں آپ پر سکون لمحات گزار سکتے ہیں۔

رپورٹ: عزیز الرحمن خاں۔

ہندوستان کو قدرتی حسن کی سرزمین کہا جاتا ہے۔ پہاڑوں سے لے کر سمندر تک دیکھنے کے لیے خوبصورت مقامات ہیں۔ ملک کے بڑے شہروں، پہاڑوں سے لے کر آبشاروں اور جنگلات کی خوبصورتی کے علاوہ یہاں کے دیہات بھی دیکھنے کے لائق ہیں۔ ہندوستان میں ایسے بہت سے خوبصورت گاؤں ہیں جہاں، ہر سال بڑی تعداد میں غیر ملکی شہری ہندوستان کے ان مواضعات کا رخ کرتے ہیں۔ اگر آپ بھی چاہیں تو ان خوبصورت دیہاتوں کی سیر کر سکتے ہیں۔ بھارت کے پانچ خوبصورت گاؤں جہاں جانے کے بعد آپ کو واپس آنے کا دل نہیں کرے گا۔

 مغربی بنگال میں بہت خوبصورت گاؤں ہے اس کا نام تکدا گاؤں ہے، جو دارجلنگ ضلع میں اپنی خوبصورتی سے کسی کو بھی مسحور کر دے گا۔ سیاح یہاں ٹریکنگ سے لطف اندوز ہوسکتے ہیں۔ اونچے پہاڑوں میں گھومنے سے لے کر چائے کے خوبصورت باغات کی سیر تک کرسکتے ہیں 

 ہماچل پردیش اپنے آپ میں ایک خوبصورت ریاست ہے۔ یہاں فطرت کی گود میں واقع ملانہ گاؤں آپ کا دل جیت لے گا۔ ملانا گاؤں میں سیاح فطرت کے خوبصورت اور منفرد نظارے دیکھ سکتے ہیں۔ شہروں کی ہلچل سے دور، آپ اس ویران جگہ پر اپنے دوستوں، ساتھی یا خاندان کے ساتھ شاندار یادیں بنا سکتے ہیں۔

 سکم اپنی خوبصورتی کے لیے مشہور ہے۔ یہاں ہر سال بڑی تعداد میں سیاح آتے ہیں۔ اگر آپ سکم کا دورہ کرنے جارہے ہیں تو تبت کی سرحد سے متصل لاچنگ گاؤں ضرور دیکھیں۔ یہ گاؤں تقریباً 8858 فٹ کی بلندی پر واقع ہے۔ یہ گاؤں برف سے ڈھکے اونچے پہاڑوں سے گھرا ہوا ہے۔

 راجستھان میں سیاحتی مقامات بہت ہیں، لیکن کھیمسر گاؤں کا بہت شاندار نظارہ ہے۔ کھیمسر گاؤں صحرا میں گھرا ہوا ہے۔ آپ جیپ یا اونٹ کی مدد سے صحرائی سواری سے لطف اندوز ہوسکتے ہیں۔ یہ گاؤں اپنی ثقافت کے لیے جانا جاتا ہے۔

گوکرنا گاؤں کرناٹک میں واقع ہے۔ یہ گاؤں سیاحوں کی توجہ کا مرکز ہے۔ اگر آپ خوبصورتی کے حیرت انگیز نظاروں کے درمیان سکون کے ساتھ کچھ لمحات گزارنا چاہتے ہیں تو آپ گوکرنا گاؤں جا سکتے ہیں۔ سمندر کے کنارے واقع اس گاؤں کی خوبصورتی دیکھ کر آپ کو واپس آنے کا دل نہیں چاہے گا۔

ایڈٹ: سمير چودھری۔