مظفر نگر میں اجتماعی عصمت دری کی شکار خاتون اور اسکے شوہر نے پولس کے رویہ سے دل برداشتہ ہو کر زہر کھا لیا، حالت تشویشناک۔

مظفرنگر: عزیز الرحمن خاں۔

مظفرنگر کے بڈھانہ علاقے میں گینگ ریپ کی شکار خاتون نے پولیس کے رویے سے دل برداشتہ ہو کر شوہر کے ساتھ زہر کھا لیا ہے اطلاع پر سی او پولس فورس کے ساتھ گاؤں پہنچ جہاں گاؤں والوں نے پولیس پر کارروائی نہ کرنے کا الزام لگاتے ہوئے ہنگامہ کیا اور ناراض گاؤں والوں نے ہنگامہ کیا۔ اجتماعی عصمت دری کے معاملے میں بدھانا نے پولیس پر کوئی کارروائی نہ کرنے کے سنگین الزامات لگائے۔

متاثرین کو ٹاؤن کے سی ایچ سی لایا گیا۔ ابتدائی طبی امداد کے بعد جوڑے کو سنگین حالت میں ضلع اسپتال لے جایا گیا جہاں سے دونوں کو میرٹھ ریفر کر دیا گیا۔ اہل خانہ نے بتایا کہ دونوں کی حالت تشویشناک ہے۔ انسپکٹر برجیش کمار شرما نے بتایا کہ اجتماعی عصمت دری کے معاملے میں خاتون کو موٹر سائیکل پر لے جانے والے مرکزی ملزم انکت کو گرفتار کر لیا گیا ہے۔

واضح ہوکہ مظفر نگر گاؤں کے ایک نوجوان نے علاقے کے ایک گاؤں کی ایک خاتون کو اپنی موٹر سائیکل پر لفٹ دی۔ الزام ہے کہ نوجوان نے خاتون کو کولڈ ڈرنک میں نشہ پلایا۔ ملزم نوجوان اور اس کے تین ساتھیوں نے خاتون کو سخاوت پور کے جنگل میں لے جا کر بے ہوش خاتون کے ساتھ اجتماعی زیادتی کی اور فرار ہو گئے خاتون کے شوہر نے گاؤں کے ملزم نوجوان سمیت چار نوجوانوں کے خلاف مقدمہ درج کرایا تو الزام ہے کہ پولس نے کوئی کاروائی نہیں کی جس سے دل برداشتہ ہو کر دونوں زہر کھا لیا 

جس کے بعد پولس حرکت میں آئی ہے۔