ہندستان اور نیپال میں زلزلے کے شدید جھٹکے، دہلی این سی آر کے ساتھ دیوبند سہارنپور میں بھی محسوس ہوئے جھٹکے۔

نئی دہلی: منگل کی دو پہر قریب دو بج کر 55 منٹ پر ہندوستان اور نیپال میں شدید زلزلے کے جھٹکے محسوس کیے گئے، بھارت سے ملحق نیپال کا علاقہ زلزلے کا مرکزی مقام بتایا گیا ہے۔ شدید زلزلے کے جھٹکے دہلی این سی ار، دیوبند، سہارنپور، دہردون، لکھنو، رام پور اور جے پور سمیت اتر پردیش کے مختلف شہروں اور شمالی ہند کے کئی خطوں میں محسوس کیے گئے۔

نیشنل سیسمولیوجیکل سینٹر کے مطابق نیپال میں یکے بعد دیگرے زلزلے کے دو جھٹکے محسوس کیے گئے ہیں جہاں زلزلے کے جھٹکےنیپال کے ضلع بجھنگ میں آئے۔

خبر ایجنسی کے مطابق 25 منٹ کے دوران 2 مرتبہ آئے شدید جھٹکوں میں پہلے زلزلے کی شدت 4.2 اور دوسرے زلزلے کی شدت 6.2 ریکارڈ کی گئی جب کہ زلزلہ 10 کلومیٹر کی گہرائی میں آیا۔

خبر ایجنسی کا بتانا ہے کہ نیپال میں آئے زلزلے سے کسی نقصان کی کوئی رپورٹ نہیں ملی۔ دوسری جانب زلزلے کے جھٹکے نئی دہلی، اترپردیش سمیت دیگر شہروں میں بھی محسوس کے گئے ہیں جب کہ دهرادون اور جے پور میں لوگ خوفزدہ ہوکر عمارتوں سے باہر نکل آئے۔

سمیر چودھری۔