غزہ کے اسپتال پر اسرائیل کی وحشیانہ بمباری کے نتیجے میں جام شہادت پینے والوں میں بڑی تعداد میں خواتین اور بچے شامل۔

غزہ: غزہ پٹی میں گذشتہ دس روز سے اسرائیل کی طرف جاری وحشیانہ بمباری کے نتیجے میں جام شہادت پینے والوں میں بڑی تعداد میں خواتین اور بچے بھی شامل ہیں۔غزہ کےالمناک مناظرکے ویڈیو زسوشل میڈیا پردیکھ کر لوگ افسوس کے اظہار کے ساتھی دعاء گو ہیں کہ اللہ مظلوم فلسطینیوں کی حفاظت کرے۔سوشل میڈیا پر وائرل ایک ویڈیو میں ایک ایسی ماں کو دکھایا گیاہے جس نے غزہ کے ایک ہاسپٹل میں روتے ہوئے بمباری میں اپنے دو بچوں کو کھو دیا۔اں اپنے بڑے بیٹے کے جسد خاکی کے ساتھ نمودار ہوئی۔ اس کے بعد روتے ہوئے گلے لگا لیا۔ اس نے بعد وہ اپنی چھوٹی بیٹی کی نعش کی طرف بڑھی۔ اس کا خیال تھا کہ بچی زندہ ہے۔ وہ اسے دودھ پلانے کے لیے آگے بڑھی اور اسے بیدار کرنے لگی، مگر وہ ہمیشہ کے لیے سوچکی تھی۔حماس کے عسکری ونگ عزالدین القسام بریگیڈز نے اعلان کیا ہے کہ وہ غزہ کی پٹی میں داخل ہونے والی کسی بھی فوجی قوت سے نمٹنے کے لیے تیار ہے۔ اس کا اشارہ اسرائیلی فوج کی ممکنہ زمینی کارروائی کی طرف تھا جس کی اسرائیلی فوج کئی روز سے تیاری کر رہی ہے۔

القسام بریگیڈز نے غزہ کی پٹی پر اسرائیلی بمباری کے دوران 22 قیدیوں کی ہلاکت کا اعلان کرتے ہوئے کہا کہ ان کے قیدیوں کی تعداد 200 سے 250 کے درمیان ہے۔لقسام بریگیڈز نے کہا کہ اس کے پاس مختلف ملکوں کے قیدی ہیں اور ان کے ساتھ مہمانوں جیسا سلوک کیا جاتا ہے۔ جب حالات اجازت دیں گے تو وہ انہیں رہا کر دیں گے۔القسام بریگیڈ کے ترجمان ابو عبیدہ نے کہا کہ “قابض اسرائیل کی طرف سے ہمارے لوگوں کے خلاف زمینی جارحیت شروع کرنے کی دھمکی ہمیں خوفزدہ نہیں کرے گی اور ہم اس کیلئے تیار ہیں۔“انہوں نے مزید کہا کہ ”ہم دشمن سے کہتے ہیں کہ آپ کا ہمارے علاقوں میں داخلہ ایک نیا موقع ہوگا کہ آپ ہمارے خلاف جو کچھ کر رہے ہیں اس کے لیے آپ کو سخت جوابدہ ٹھہرایا جائے۔