مظفرنگر میں ہندو سنگھرش سمیتی نے حماس کا پتلا جلایا، شیو سینا و کرانتی سینا نے بھی اسرائیل کی حمایت میں جلوس نکالا۔

مظفر نگر: عزیز الرحمن خاں۔

مظفرنگر میں آج ہندو سنگھرش سمیتی کے صدر نریندر پنوار کی قیادت میں حماس کا پتلا نذر آتش کیا گیا۔

  کمیٹی سے وابستہ تمام تنظیمیں شیو چوک واقع تلسی پارک میں جمع ہوئیں اور وہاں سے نعرے لگاتے ہوئے شیو چوک پہنچے جہاں نریندرپنو ار نے کہا کہ وہ غزہ کی پٹی میں سرگرم دہشت گرد تنظیم حماس کی طرف سے اسرائیلی معصوم مردوں اور عورتوں پر بزدلانہ حملوں کی شدید مذمت کرتے ہیں اور حکومت ہند سے مطالبہ کرتے ہیں کہ حیدرآباد کے بھائی جان اور جموں و کشمیر کی علیحدگی پسند رہنما محبوبہ مفتی کو گرفتار کیا جائے۔ دہشت گرد تنظیم حماس کی حمایت کرنا حماس کی بی ٹیم کی طرف اشارہ کرتا ہے اور اتر پردیش کے علی گڑھ ضلع میں علی گڑھ مسلم یونیورسٹی کے طلباء کی حماس کی حمایت میں نکالی گئی ریلی بھی ان کی بی ٹیم کی طرف اشارہ کرتی ہے۔ہماری حکومت سے مطالبہ ہے کہ ایسے لوگوں کو روکا جائے۔ ان کے خلاف تحقیقات کی جائیں اور ان کے خلاف غداری کی کارروائی کی جائے، ان کے اثاثوں کی بھی چھان بین کی جائے، ہمیں لگتا ہے کہ ان کے تعلقات عرب ممالک سے جڑے ہوئے ہیں جو انہیں فنڈز فراہم کر رہے ہیں، ان کے خلاف بلڈوزر چلا کر سخت سے سخت کارروائی کی جائے۔ اس موقع پر ہندو سنگھرش سمیتی کے کنوینر نریندر پوار عرف سادھو گرجر پون متل وجیندرا دھیمان سنجے مشرا ناتھیرام دھیمان منوج پاٹل دیش راج چوہان سنجے والمیکی منوج کنسل راجیش شرما بنٹی اگروال ہریش پال گوجر پال اندھیپ گوجر پال گوجر پال۔ کمار روی ورما سبودھ کمار سنجے کمار روی کمار ستیش ملک روی پال وغیرہ موجود تھے۔

ادھر، مظفرنگر میں شو سینا و کرانتی سینا نے بھی اسرائیل کی حمایت میں جلوس نکال کر مظاہرہ کرتے ہوئے حماس کے ذریعہ اسرائیل پر کئے گئے حملے کی مذمت کرتے ہوئے ڈی ایم کو ایک میمورنڈم سونپا ہے جسمیں حماس کی حمایت کرنے والوں کے خلاف سخت کارروائی کا مطالبہ کیا گیا ہے