شرمناک: وارانسی میں ایک نوجوان نے پانچ سالہ بچی کی لاش کو قبر سے نکالا، پھر رات بھر لاش کے ساتھ سویا، جنسی زیادتی کا بھی شبہ۔

مظفرنگر: عزیز الرحمن خاں۔

وارانسی کے ریواڑی تالاب سے ایک حیران کن واقعہ سامنے آیا ہے۔ یہاں ایک نوجوان نے 5 سالہ بچی کی لاش کو قبر سے نکالا اور پوری رات اس کے ساتھ سوتا رہا۔ بتایا جا رہا ہے کہ لڑکی کی موت بیماری کی وجہ سے ہوئی تھی صبح جب متوفی لڑکی کے والد قبرستان کے پاس سے گزرے تو دیکھا کہ قبر سے مٹی نکالی گئی تھی اور اس میں سے لاش غائب تھی۔ یہ دیکھ کر اس کے پیروں تلے سے زمین نکل گئی۔ جب اس نے اپنی بیٹی کی لاش کے لیے ادھر ادھر تلاش کیا تو دیکھا کہ ایک نوجوان انکی بیٹی کی لاش کے ساتھ پڑا ہے۔ یہ دیکھ کر وہ چونک گیا۔ اس نے فوراً پولیس کو اطلاع دی۔

 موقع پر پہنچ کر پولیس کو پتہ چلا کہ ملزم محمد رفیق شراب کے نشے میں تھا۔ بچی کی لاش نکال کر قبر پر مٹی ڈال دی گئی تاکہ کسی کو شک نہ ہو لیکن قبر میں مٹی بکھری دیکھ کر باپ کو شک ہوا۔ متاثرہ نے لڑکی کی لاش کے ساتھ زیادتی کی شکایت درج کرائی ہے۔ پولیس نے لڑکی کی لاش کو پوسٹ مارٹم کے لیے بھیج دیا اور ملزم کا طبی معائنہ بھی کرایا۔ جس میں شراب پینے کی تصدیق ہوئی ہے۔ اس واقعہ کے بعد متاثرہ کے اہل خانہ اور گاؤں والوں میں غم و غصہ کا ماحول ہے۔ ہر کوئی ملزم کو سخت سزا دینے کا مطالبہ کر رہا ہے۔ اے سی پی اودھیش پانڈے نے کہا کہ ایک لڑکی کی لاش کو قبر سے نکالے جانے کا معاملہ سامنے آیا ہے۔ ملزم رات 2 بجے نعش نکال کر لے گیا تھا جو کہ پولیس کی حراست میں ہیں، پی ایم رپورٹ آنے کے بعد ہی مزید کارروائی کی جائے گی۔