نیوزی لینڈ کو شکست دے کر فائل میں پہنچا بھارت، محمد سمیع نے سات وکٹ لیکر رقم کی تاریخ، شاندار کارکردگی کے لئے وزیرِ اعظم نے دی سمیع کو مبارکباد۔

ممبئی: آئی سی سی کرکٹ ورلڈ کپ 2023 کے پہلے سیمی فائنل میں نیوزی لینڈ اور بھارت کے درمیان بہت ہی دلچسپ مقابلہ ہوا۔ ممبئی کے وانکھیڑے اسٹیڈیم میں کھیلے گئے اس میچ میں ہندوستانی ٹیم نے شاندار انداز میں کامیابی حاصل کی اور فائنل کا ٹکٹ حاصل کرلیا۔ بھارت 12 سال بعد فائنل میں پہنچا ہے۔ اس تاریخی جیت کے لیے وزیراعظم مودی نے بھارت کی پوری ٹیم خاص طور پر محمد سمیع کو مبارکباد دی۔

میچ میں روہت شرما نے ٹاس جیت کر پہلے بیٹنگ کا فیصلہ کیا اور 4 وکٹوں کے نقصان پر 397 رنز کا بڑا اسکور بنایا۔ ٹیم کی جانب سے ویرات کوہلی نے سب سے زیادہ 117 رنز کی اننگز کھیلی۔ جبکہ شریاس آئر نے 105 رنز بنائے۔ شبمن گل 80 اور کے ایل راہول 39 رنز بنا کر ناٹ آؤٹ رہے۔

روہت شرما نے 47 رنز کی طوفانی اننگز کھیلی۔ کیوی ٹیم کی جانب سے ٹم ساؤتھی نے 3 وکٹیں حاصل کیں۔ دوسری جانب 398 رنز کے ہدف کے جواب میں نیوزی لینڈ کی ٹیم صرف 327 رنز بنا سکی اور 70 رنز سے میچ ہار گئی۔

نیوزی لینڈ کی جانب سے ڈیرل مچل نے 134 رنز کی اننگز کھیلی۔ جبکہ کپتان کین ولیمسن نے 69 اور گلین فلپس نے 41 رنز بنائے۔ ہندوستانی ٹیم کی جانب سے تیز گیند باز محمد شامی نے سب سے زیادہ 7 وکٹیں حاصل کیں۔

ادھر، ورلڈ کپ 2023 میں بھارت اور نیوزی لینڈ کے درمیان سیمی فائنل میں ویراٹ کوہلی نے تاریخ رقم کردی۔ انہوں نے اپنے ون ڈے کیریئر کی 50ویں سنچری بنائی۔ اب وہ ون ڈے میں سب سے زیادہ سنچریاں بنانے والے کھلاڑی بن گئے ہیں۔ اس معاملے میں ویراٹ نے سچن تندولکو پیچھے چھوڑ دیا ہے۔ ۔ کوہلی نے 113 گیندوں میں 117 رنز کی اننگز کھیلی۔ اپنی اننگز میں انہوں نے نو چوکے اور دو چھکے لگائے۔ کوہلی کو ساعودی نے کونوے کے ہاتھوں کیچ کرایا۔