ہردوئی میں دو حقیقی بھائیوں نے ایک ساتھ دو حقیقی بہنوں سے کی شادی، شب عروسی سے قبل ہی دونوں دلھنیں قیمتی سامان و زیورات لیکر ہوئیں فرار۔

مظفرنگر:  عزیز الرحمن خاں۔

اتر پردیش کے ضلع ہردوئی میں دو دلہنوں نے دو حقیقی بھائیوں سے شادی کر لی اور شادی سے پہلے رات کو کھیر میں نشہ آور چیز ملا کر کھلائی گئی۔ اس کے بعد وہ نقدی اور زیورات لے کر فرار ہوگئی دونوں حقیقی بھائیوں کے درمیان شادی کا بندوبست ایک دلال کے ذریعے طے پایا۔ دلال کو 80 ہزار روپے دیے گئے۔ دلال لڑکیوں کے ساتھ ان کی شادی کرنے کے لیے لڑکوں کے گاؤں پہنچ گیا تھا۔ شادی سے پہلے ہی دولہا سے مقررہ رقم لے کر گاؤں کے ایک مندر میں دونوں کی شادی کرادی۔

رسم مکمل ہونے کے بعد دلہنیں اپنے سسرال پہنچ گئیں اور کھیر تیار کر کے اپنے سسرال اور شوہروں کو کھلائی۔ کھیر میں نشہ آور چیز ملا دی گئی تھی اور اگلے دن دولہا اور اس کے گھر والے بیدار ہوئے تو دلہن گھر سے زیورات، نقدی اور دیگر قیمتی سامان لوٹ کر فرار ہو چکی تھی۔ شادی کی رات سے پہلے ہی دلالوں کے ہاتھوں لوٹنے والے دلہا اور دلہن نے پورے معاملے کی پولیس کو شکایت کی ہے۔ دلہنوں کو لوٹنے اور دھوکہ دینے کے اس واقعے کے بعد پولیس پورے معاملے کی جانچ میں مصروف ہے۔

دراصل ہردوئی کے تادیوان علاقے کے بھدیالگاؤں کے رہنے والے نریش پال کے دو بیٹے پردیپ اور کلدیپ ہیں۔ اس کے علاوہ نریش پال کی بیوی شیوکنیا نابینا ہے۔ ان کے 30 اور 27 سال کے بیٹوں کی شادی نہ ہونے کی وجہ سے پورا خاندان پریشان تھا۔ ایک بیٹا پردیپ دہلی میں تالا بنانے والی فیکٹری میں کام کرتا ہے۔ جبکہ دوسرا گاؤں میں ہی رہتا ہے۔ دہلی میں شادی کے سلسلے میں پردیپ اپنے گاؤں کے اقبال نامی شخص سے رابطہ میں آیا۔ اقبال نے دونوں بھائیوں کی شادی کرادی۔