میرٹھ میں مٹی کی ڈھانگ کے نیچے دبے ۳ مزدور، ۲ کی دردناک موت، ایک کی حالت تشویشناک, مچی افرا تفری۔

مظفرنگر:  عزیز الرحمن خاں۔

میرٹھ کے گنگا نگر ایکسٹینشن کے یو پاکٹ میں تہہ خانے کی کھدائی کر رہے دو مزدوروں کی دردناک موت ہو گئی جبکہ ایک مزدور شدید زخمی ہے۔ اطلاع ملنے پر پولیس موقع پر پہنچی اور لوگوں کی مدد سے کارکنوں کو باہر نکالا۔ بتایا گیا کہ ایک مزدور کو تشویشناک حالت میں اسپتال میں داخل کرایا گیا ہے جبکہ دو کی المناک موت ہوئی ہے۔  

موصولہ اطلاعات کے مطابق بھون پور تھانہ کے یو جیب میں مزدوروں کے ذریعہ تہہ خانے کی کھدائی کا کام چل رہا تھا۔ اس دوران مزدوروں نے تہہ خانے کو تقریباً چالیس فٹ گہرائی تک کھود لیا تھا۔ اتوار کو تہہ خانے کی کھدائی کے دوران مزدور رام پراویش، بہار کے رہنے والے گرو پرساد رائے بریلی کے رہنے والے اور رام چندر مزدور کھدائی کر رہے تھے کہ اچانک ڈھانگ گر گئی ۔ تمام کارکن اسی میں دب گئے۔

موقع پر کہرام مچ گیا۔ اطلاع ملتے ہی پولیس موقع پر پہنچی اور لوگوں کی مدد سے مزدوروں کو باہر نکالا اور لاشوں کو پوسٹ مارٹم کے لئے بھیجا جبکہ زخمی کو اسپتال میں داخل کرایا گیا۔