خان یونس میں گھمسان کی جنگ، بریج کیمپ پر شدید حملہ، حماس کا منہ توڑ جواب، درجنوں گاڑیاں تباہ، سینکڑوں فوجی ہلاک، وسطی غزہ سے اسرائیل فوج کی پسپائی۔

 غزہ: غزہ میں جنگ جاری ہے، پٹی کے وسط میں پرتشدد جھڑپیں ہورہی ہیں، اسرائیل نے بریج کیمپ کو نشانہ بنانے میں شدت پیدا کردی ہے، معرکہ طوفان اقصیٰ کے ۸۵ ویں دن غزہ پٹی مرکز اور جنوب پر شدید فضائی اور توپ سے بمباری کی گئی جب کہ وسطی غزہ کے بریج کیمپ میں فلسطینی مزاحمتی دھڑوں اور قابض فوجیوں کے درمیان شدید جھڑپیں ہوئیں۔ میڈیا ذرائع کا کہنا ہے کہ صیہونی حکومت کی شہر خان یونس پر بمباری میں کئی عام شہری شہید اور زخمی ہوئے ہيں- صیہونی میڈیا نےغزہ پٹی کے الزواید علاقے پر بھی صیہونی حکومت کے جنگی طیاروں کی شدید بمباری کی خبر دی ہے- صیہونی فوجیوں نے آج صبح شہر الخلیل، بیت لحم اور مغربی نابلس کے قوصین دیہات کو بھی اپنے حملوں کا نشانہ بنایا- جارح صیہونی فوجیوں نے قوصین دیہات پر اپنے حملوں میں دو فلسطینی نوجوانوں کو گرفتار بھی کرلیا۔غزہ وزارت صحت کے مطابق ۸۵ ویں دن شہدا کی تعداد ۲۱۶۷۲ شہید، ۵۶۱۶۵ زخمی ہوچکے ہیں۔ غزہ میں المیادین کے نامہ نگار نے اطلاع دی کہ فلسطینی مزاحمت کار ۱۹۴۸میں قبضے والے علاقوں کو الگ کرنے والی باڑ کے قریب غزہ کی پٹی کے جنوب وسطی اور مشرقی خان یونس میں اسرائیلی قابض فوج کے ساتھ پرتشدد جھڑپوں میں مصروف رہے۔ اس کے علاوہ غزہ کی پٹی کے جنوب میں خان یونس شہر کے وسط اور مشرق میں بھی شدید جھڑپیں جاری ہیں۔ جہاں تک ویسٹ بینک کا تعلق ہے، قابض فوج ابھی تک ناصر میڈیکل کمپلیکس کے اطراف میں داخل ہونے میں ناکام ہے۔غزہ پٹی کے وسط میں بھی فلسطینی مزاحمت اسرائیلی فوج کے ساتھ ابو مدین مسجد کے ارد گرد، البریج کیمپ کے جنوب مشرق ، المغازی کیمپوں کے مشرق میں شدید جھڑپوں میں مصروف رہے۔اس سیکٹر میں میادین کی رپورٹ کے مطابق بریج کے مشرق میں ہونے والی شدید جھڑپوں نے قابض افواج کو پسپائی پر مجبور کر دیا، جب کہ اسرائیلی ٹینک کیمپ میں گہرائی تک داخل ہونے میں ناکام ہونے کے بعد اپنی جگہ تبدیل کرنے کی کوشش کر رہے تھے۔غزہ شہر کے الدراج، التفاح اور شیخ رضوان کے محلے میں بھی جھڑپیں جاری ہیں۔ادھر حماس نےٹیلی گرام پر اپنےبیان میں کہا کہ وسطی غزہ کی پٹی میں بریج پناہ گزین کیمپ کے جنوب میں جھڑپوں سے واپسی کے بعد مجاہدین نے اطلاع دی کہ انہوں نے دو صہیونی ٹینکوں اور دو فوجی جہازوں کو الیاسین گولوں سے نشانہ بنایا ، تیسرے ٹینک کو شواظ ڈیوائس سے اڑادیا۔غزہ شہر کے شیخ رضوان محلے میں گھسنے والی صہیونی اسپیشل فورسز کے ساتھ جھڑپ میں ۲۰ سے زائد فوجی ہلاک اور زخمی ہوئے۔شیخ رضوان میں ایک صہیونی مرکاوا ٹینک کو تباہ کردیا، شہر خان یونس میں قابض گاڑیوں اور فوجیوں کے دو مراکز کو مارٹر گولوں سے برباد کر دیا۔خان یونس میں ایک گھر کو دھماکے سے اڑانے میں کامیاب ہوئے جس میں متعدد قابض فوجیوں نے دھماکہ خیز مواد چھپا رکھا تھا، جس سے وہ ہلاک اور زخمی ہوگئے۔خان یونس شہر کے مشرق میں خزاعہ کے علاقے میں الیاسین میزائل سے مرکاوا ٹینک کو نشانہ بنایاگیا۔شیخ عجلین علاقے میں ایک عمارت کے اندر چھپی ہوئی صیہونی فٹ فورس کو قلعہ مخالف ٹی بی جی شیل سے نشانہ بنانے میں کامیاب رہے۔شیخ عجلین میں ہی ایک صہیونی فوجی کو بھاری صلاحیت والے ایم نائن نائن اسنائپر سے نشانہ لگا کر ہلاک کردیا۔التفاح اور الدراج محلوں میں ۸ صہیونی ٹینکوں کوالیاسین گولوں سے نشانہ بنایا۔رفح شہر کے مشرق میں دشمن فوجیوں اور گاڑیوں کے مراکز کو بھاری صلاحیت کے مارٹر گولوں سے تباہ کر دیا۔شیخ عجلین کے علاقے میں دو فوجی جیپوں کو دھماکہ خیز آلات سے نشانہ بنانے میں کامیاب ہوئے اور ان کے ارکان کے ساتھ مشین گنوں سے جھڑپیں ہوئیں، جس سے وہ ہلاک اور زخمی ہوگئے۔خزاعہ کے مشرق میں دشمن کے فوجیوں اور گاڑیوں کے ایک اجتماع کو مارٹر گولوں سے تباہ کر دیا۔ادھر سرایا القدس نے اپنے بیان میں کہاکہ مجاہدین غزہ شہر میں التقدیم التفاح اور الدراج علاقوں میں ایک فوجی جہاز اور دو صہیونی ٹینکوں کو تنڈوم اور آر پی جی گولوں سے نشانہ بنایا۔خان یونس کے مشرق میں بنی سہیلہ علاقے میں دشمن کے ٹھکانوں پر مارٹر گولوں سے بمباری کی۔ایک صیہونی فوجی گاڑی کو دھماکہ خیز آلے سے نشانہ بنایا جو وسطی غزہ کی پٹی میں بریج مہاجر کیمپ کے مشرق میں تھی مکمل طور پر تباہ ہو گئی۔رفح کے مشرق میں صہیونی دشمن کے فوجی مراکز پر مارٹر گولوں سے بمباری کی۔ہفتہ کو خان یونس میں مع کے علاقے پر اسرائیلی حملے کے نتیجے میں ایک شہید اور دو زخمی ہوئے جب کہ خان یونس کے مرکز پر اسرائیلی حملے کے نتیجے میں ایک بڑا دھماکہ سنا گیا۔ قابض افواج نے خان یونس پرمتعدد پرتشدد بم گرائے۔ خزاعہ قصبے پر توپ خانے سے گولہ باری کی، جس نے دو روز قبل زمینی دراندازی شروع کرنے کا اعلان کیا تھا۔ قابض فوج کے طیاروں کی جانب سے رفح کے مشرق میں الجنینا محلے میں ایک مکان کو نشانہ بنانے کے نتیجے میں کئی شہری زخمی ہوئے جن میں زیادہ تر بچے ہیں۔ قابض فوج کے طیارے نے رفح کے مشرق میں السلام محلے میں زمین پر حملہ کیا۔ اسرائیلی بمباری میں شہید دیگر زخمی اور دیگر لاپتہ ہو گئے تھے جس میں النصیرات کیمپ میں سنہ مسجد کے قریب الواوی خاندان کے ایک گھر کو نشانہ بنایا گیا تھا۔ قابض فوج کی کشتیوں نے دیر البلح اور خان یونس کے ساحلوں پر شدید گولہ باری کی۔ وسطی غزہ کی پٹی میں الزوائدہ پر اسرائیلی بمباری میں متعدد شہری شہید اور دیگر زخمی ہوئے۔