مظفر نگر میں افسر نے نہیں اٹھایا فون تو لگا ۵۰ ہزار کا جرمانہ۔

مظفر نگر: عزیز الرحمن خاں۔

مظفرنگر سنٹرل مانیٹرنگ کمیٹی کے رکن رویندر پردھان نے بلدیہ کے ای او ہیمراج پر 50 ہزار روپے کا جرمانہ عائد کیا ہے۔ مسئلہ کے تعلق سے ای او بلدیہ ہیمراج سے بات کرنے کے لیے فون کیا گیا، لیکن کال موصول نہیں ہوئی۔مانیٹرنگ کمیٹی کے رکن نے بتایا کہ ای او ہیمراج کو 50 ہزار روپے جرمانہ کیا جائے گا۔ کمیشن ان کے خلاف کارروائی کرے گا۔ کلکٹریٹ کے لوک وانی میٹنگ روم میں ضلع کے تمام اداروں کے ای اوز کی میٹنگ ہوئی۔ سنٹرل مانیٹرنگ کمیٹی کے رکن رویندر پردھان نے ضلعی صفائی کمیٹی کی میٹنگ کی۔تمام باڈیز کے ای اوز کو کہا کہ مینوئل فلتھ لفٹنگ کا معاملہ سامنے نہ آئے۔ حکومت اس حوالے سے بہت حساس ہے۔ دوسری طرف مظفر نگر میونسپلٹی کے ای او ہیمراج کا کہنا ہے کہ ڈائریکٹر نے لکھنؤ میں اپنی میٹنگ بلائی ہے۔ اس کی وجہ سے انہیں لکھنؤ روانہ ہونا پڑا۔دن کے 12 بجے تک انتظار کرنے کے بعد ان کی جگہ سٹی ہیلتھ آفیسر ڈاکٹر اتل کمار کو بھیج دیا گیا۔ معائنہ کے دوران بھی وہ ان کے ساتھ رہا۔ اس سے کوئی وضاحت طلب نہیں کی گئی۔ 50 ہزار روپے کا براہ راست جرمانہ عائد کرنا جائز نہیں۔