مظفر نگر میں کسانوں کا ہنگامہ، محکمہ جنگلات کے ملازمین کو بنایا یرغمال، کسانوں کو کٹائی اور بوائی میں مشکلات کا سامنا۔

مظفر نگر: عزیز الرحمن خاں۔

مظفرنگر کے حیدر پور ویٹ لینڈ کے نواحی دیہات کے کسان جو سردیوں کے موسم میں ہجرت کرنے والے پرندوں کے لیے آرام گاہ بن جاتا ہے، طویل عرصے سے مشکلات کا شکار ہیں۔ گاؤں دیول، احمد والا، موٹا پوری، عالم پور، چوہا پور، محمود پور، شاہ پور، سیالی، رہدوا، لال پور، تارا پور، جلال پور نیلا اور دیگر کئی دیہاتوں کے درجنوں کسان حیدر پور ویٹ لینڈ پہنچے اور ہنگامہ کھڑا کر دیا اور محکمہ جنگلات کے تین ملازمین کو یرغمال بنا لیا.اور اعلیٰ حکام کو بلانے کا مطالبہ کرنے لگے۔

کسانوں کا الزام ہے کہ پہلے گنگا کے ذخائر کو 31 دسمبر تک خالی کر دیا گیا تھا۔ جس کی وجہ سے اپنے کھیتوں میں وقت پر فصل کی کٹائی اور بوائی جاتی تھی لیکن اس بار محکمہ آبپاشی اور محکمہ جنگلات نے گنگا کے ذخائر کو خالی نہیں کیا۔ گنگا میں پانی کی زیادتی کی وجہ سے ان کے کھیت پانی سے بھر رہے ہیں۔جس کی وجہ سے کسانوں کو فصلوں کی کٹائی اور بوائی میں شدید مشکلات کا سامنا ہے۔ کسانوں نے اعلیٰ حکام کو خط لکھ کر آبی ذخائر خالی کرنے کا مطالبہ بھی کیا ہے لیکن ان کے مسئلے کا کوئی حل نہیں نکلا ہے۔