عام انتخابات میں شکست سے دل برداشتہ ہو کر امیر جماعت اسلامی پاکستان سراج الحق نے دیا استعفیٰ۔

اسلام آباد: انتخابات میں ناکامی پر امیر جماعت اسلامی سراج الحق نے اپنے عہدے سے استعفیٰ دے دیا۔ قابل ذکر ہے کہ خود سراج الحق  پری طرح ہار گئے ۔ایک طرح سے جماعت پاکستان کے سیاسی منظر سے غائب ہوگئ-

سراج الحق نے اپنے بیان میں کہا کہ کوشش اور محنت کے باوجود انتخابات میں مطلوبہ کامیابی نہیں دلاسکا۔ان کا کہنا تھا کہ انتخابات میں ناکامی کو قبول کرتے ہوئے بطور امیر جماعت اسلامی استعفی دیتا ہوں۔واضح رہے کہ جماعت اسلامی 2024 کے عام انتخابات میں قومی اسمبلی کی ایک بھی نشست نہ جیت سکی۔

دوسری جانب ترجمان جماعت اسلامی قیصر شریف نے کہا ہے کہ سیکریٹری جنرل جماعت اسلامی امیر العظیم نے شوریٰ کا اجلاس 17 فروری کو منصورہ میں طلب کر لیا۔

انہوں نے مزید کہا کہ شوریٰ اجلاس میں سراج الحق کے استعفیٰ کے بعد کی صورتحال کا جائزہ لیا جائے گا۔

تفصیلات کے مطابق سراج الحق نے جماعت اسلامی کارکنان کو عام انتخابات 2024 میں بے لوث خدمات انجام دینے پر خراج تحسین پیش کیا۔سراج الحق کا مستعفی ہونے کے حوالے سے کہنا تھا کہ کوشش اور محنت کے باوجود انتخابات میں مطلوبہ نتائج نہیں دلاسکا۔