سیاسی بحران کے درمیان چمپئی کو حکومت سازی کی دعوت، آج بی جے پی کی میٹنگ، ہیمنت سورین ایک دن کی عدالتی تحویل بھیجا، ای ڈی کی ریمانڈ پر فیصلہ محفوظ۔

رانچی: عدالت نے ہیمنت سورین کو ایک دن کی عدالتی حراست میں بھیج دیا ہے۔ ای ڈی نے 10 دن کے ریمانڈ کی درخواست کی تھی۔ اس مطالبے پر عدالت میں کل بھی سماعت جاری رہے گی۔ البتہ فی الحال کیلئے عدالت نے ہمنت سورین کو صرف ایک دن کے عدالتی تحویل میں بھیجا ہے۔ای ڈی کی ریمانڈر پر عدالت نے ابھی فیصلہ محفوظ رکھ لیا ہے جس پر کل سماعت کے بعد فیصلہ متوقع ہے۔ ہیمنت سورین آج کی رات عدالتی حراست کے تحت ہوٹوار جیل کے بالائی سیل میں گزاریں گے ،حالانکہ ای ڈی نے ان کو جب عدالت میں پیش کیا تھاتب 10 دن کے ریمانڈ کی درخواست کی تھی۔ادھر جھارکھنڈ کے سیاسی بحران میں، گورنر نے عظیم اتحاد کی پارٹیوں جے ایم ایم، آر جے ڈی، کانگریس قانون ساز پارٹی کے رہنما،چمپئی سورین کو حکومت بنانے کی دعوت دی ہے۔ چمپئی جمعرات کی شام 5.30 بجے راج بھون گئے اور گورنر سی پی رادھا کرشنن سے ملاقات کی۔ انہوں نے 47 ایم ایل ایز کی حمایت سے حکومت بنانے کا دعویٰ پیش کیا جس کے بعد گورنر نے انہیں حکومت بنانے کی دعوت دی۔چمپئی سورین کے وزیراعلیٰ کے طور پر حلف لینے کی تاریخ کا اعلان جمعہ کو کیا جائے گا۔ بدھ کو ہیمنت سورین کی گرفتاری سے عین قبل چمپئی سورین کو گرینڈ الائنس قانون ساز پارٹی کا لیڈر منتخب کیا گیا تھا۔ جس کے بعد انہوں نے جمعرات کو گورنر سے ملاقات کا وقت مانگا تھا۔ گورنر سے ملاقات سے پہلے انہوں نے ایم ایل اے کی گنتی بھی کروائی۔ اس کے بعد وہ 5 ایم ایل اے کے ساتھ گورنر سے ملنے گئے۔چمپئی سورین نے گورنر سی پی رادھا کرشنن کو لکھے خط میں واضح کیا ہے کہ ہیمنت سورین کے استعفیٰ کے بعد ہی ان کی قیادت میں حکومت بنانے کا دعویٰ داؤ پر لگا ہوا ہے۔ چمپئی سورین نے لکھا، ہم نے آپ کو 47 ایم ایل ایز کی حمایت اور 43 ایم ایل اے کے دستخطوں کی حمایت کا دعویٰ کرنے والا خط پیش کیا ہے۔ بدھ کو 43 ایم ایل اے بھی راج بھون کے گیٹ کے باہر کھڑے تھے۔ ریاست میں کوئی حکومت نہیں ہے۔اس کی وجہ سے افراتفری کی صورتحال ہے۔ اس لیے درخواست ہے کہ ہمیں حکومت بنانے کے لیے بلایا جائے۔" نشی کانت دوبے نے الزام لگایا ہے کہ جے ایم ایم کے پاس 48-49 ایم ایل اے ہیں، لیکن وہ صرف 42-43 کے دستخط جمع کرنے میں کامیاب رہے ہیں۔ سیتا سورین، رام داس سورین میٹنگ میں نہیں تھے۔ کئی کانگریسی لیڈران میٹنگ میں نہیں تھے۔مجھے لگتا ہے کہ ان کے پاس ایم ایل اے نہیں ہے، چمپئی سورین کے پاس اکثریت نہیں ہے۔ جھارکھنڈ میں سیاسی بحران کے درمیان، خبر ہے کہ عظیم اتحاد (جے ایم ایم، آر جے ڈی، کانگریس) اپنے ایم ایل ایز کو حیدرآباد منتقل کر سکتے ہیں۔ لیجسلیچر پارٹی لیڈر چمپئی سورین اور 5 ایم ایل اے رانچی میں ہی رہیں گے، جو صورتحال پر نظر رکھیں گے۔ باقی ارکان اسمبلی کو حیدرآباد منتقل کردیا جائے گا۔بی جے پی نے اس پورے معاملے پر جمعہ 2 فروری کو اپنی مقننہ پارٹی کی میٹنگ بھی بلائی ہے۔ چمپئی سورین کو 'جھارکھنڈ ٹائیگر کے نام سے بھی جانا جاتا ہے۔ جھارکھنڈ کے سیاسی حلقوں میں چمپئی کو شیبو سورین کا ہنومان کہا جاتا ہے۔ انہوں نے 1991 سے 2019 کے درمیان 6 بار سرائی کیلا سے اسمبلی انتخابات جیتے تھے۔ 2000 میں صرف ایک بار ہارے۔ جب ہیمنت سورین پہلی بار سی ایم بنے تو انہیں فوڈ سپلائی اور سائنس اینڈ ٹیکنالوجی کا وزیر بنایا گیا۔چمپئی سورین جھارکھنڈ تحریک کے وقت سے ہی شیبو سورین سے جڑے ہوئے ہیں۔ ان کا شمار نہ صرف سورین خاندان کے قابل اعتماد رہنما کے طور پر کیا جاتا ہے بلکہ وہ ایک مکمل طور پر وقف کارکن بھی کہلاتے ہیں۔ چمپئی کو وزیراعلیٰ بنانا اس وفاداری کا انعام سمجھا جا رہا ہے۔ اس سے پہلے 2009 میں جب شیبو سورین تمر اسمبلی سیٹ سے ہار گئے تھے تب بھی چمپئی کا نام سی ایم کے عہدے کے لیے آیا گیا تھا۔ لیکن اس وقت ان کے لیے وزیراعلیٰ بننا ممکن نہیں تھا۔