سی اے اے بنیادی طور پر امتیازی قانون، اقوام متحدہ کا اظہار تشویش۔

یواین: اقوام متحدہ نے شہریت ترمیمی ایکٹ پر اپنی تشویش کا اظہار کیا ہے جب بی جے پی کی زیر قیادت مرکزی حکومت نے 2019 میں متعارف کرائے گئے متنازعہ قانون کا نوٹیفکیشن جاری کیا۔

خبررساں ایجنسی رائٹرزکے مطابق اقوام متحدہ کے ہائی کمشنر برائے انسانی حقوق کے دفتر کے ایک ترجمان نے منگل کو رائٹرز کو بتایا کہ شہریت ترمیمی قانون "بنیادی طور پر امتیازی نوعیت کا ہے اور ہندوستان کی بین الاقوامی انسانی حقوق کی ذمہ داریوں کی خلاف ورزی ہے”۔

ترجمان نے مزید کہا کہ وہ مزید جانچ کر رہے ہیں کہ آیا یہ قوانین انسانی حقوق کے بین الاقوامی قانون کی تعمیل کرتے ہیں۔

شہریت ترمیمی ایکٹ چھ اقلیتی مذہبی اکائیوں کے تارکین وطن کو شہریت فراہم کرنے کی پیشکش کرتا ہے "سوائے مسلمانوں کے” منتخب پڑوسی ممالک بنگلہ دیش، افغانستان اور پاکستان ہیں وہ بھی ،اس شرط پر کہ وہ چھ سال تک ہندوستان میں رہے ہوں اور 31 دسمبر 2014 تک ملک میں داخل ہوئے۔ .ان ممالک کے انتخاب اور قانون سازی کے دائرہ کار سے مسلمانوں کو بے دخل کرنے کے پیچھے شروع سے ہی بڑے پیمانے پر تنقید کی گئی۔ مزید برآں، دسمبر 2019 میں پارلیمنٹ کی طرف سے ترمیم کی منظوری کے بعد ملک بھر میں بڑے پیمانے پر مظاہرے ہوئے اور بعد میں اسے صدارتی منظوری مل گئی۔

ہندوستانی مسلمانوں کواندیشہ ہے کہ یہ قانون، ملک گیر نیشنل رجسٹر آف سٹیزنز (سی اے اے) کے ساتھ، انہیں ہراساں کرنے اور الگ کرنے کے لیے ہے۔آسام میں این آر سی کی عملی ناکامی اور عوام کی طرف سے بے مثال مزاحمت کی وجہ سے بی جے پی حکومت کو اس وقت بیک فٹ پر آنے پر مجبور کردیا تھا،جبکہ باقی ہندوستان میں ایکٹ کے خلاف مظاہرے ہوئے تھے-، آسام اور شمال مشرقی کے باقی حصوں میں نسلی گروہوں کو خوف ہے کہ قانون کے نفاذ سے انہیں جسمانی اور ثقافتی طور پر خطرہ لاحق ہو جائے گا۔

ملک میں کئی سول سوسائٹی گروپس اور اپوزیشن پارٹیوں کے لیڈروں نے بھی اس قانون پر تنقید کرتے ہوئے کہا ہے کہ یہ مسلمانوں کے ساتھ امتیازی سلوک کرتا ہے۔