لوک سبھا میں دس برسوں سے خالی اپوزیشن لیڈر کا عہدہ راہل گاندھی کے سپرد، جانیئے اپوزیشں لیڈر کی حیثیت۔

نئی دہلی: اپوزیشن جماعت کانگریس کے جنرل سکریٹری کے سی وینیو گوپال کے مطابق پارلیمنٹ میں کانگریس رہنما راہل گاندھی کو اپوزیشن کا پارلیمانی لیڈر مقرر کر دیا گیا ہے۔ انہوں نے کہا کہ راہل گاندھی پارلیمنٹ میں عوام کی مضبوط آواز ہوں گے اور اس بات کو یقینی بنائیں گے کہ حکومت ہر وقت جوابدہ رہے۔ 

خیال رہے کہ لوک سبھا میں پارلیمانی لیڈر کا عہدہ گزشتہ دس سالوں سے خالی تھا کیونکہ بھارت میں اپوزیشن کی کسی جماعت کو اپوزیشن لیڈر کا عہدہ حاصل کرنے کے لیے ایوان کی کل نشستوں کا 10 فیصد یعنی 54 نشستیں حاصل کرنی ضروری ہیں تاہم گزشتہ 10 سالوں سے اپوزیشن کی کوئی جماعت اتنی نشستیں حاصل نہیں کرسکی تھی۔ 

اپوزیشن لیڈر کو کابینہ کے رکن کا درجہ حاصل ہوتا ہے، اس کے علاوہ اپوزیشن لیڈر چیف الیکشن کمشنرز، الیکشن کمشنرز اور سی بی آئی ڈائریکٹر کو منتخب کرنے والے پینل میں بھی شامل ہوتا ہے۔ 

سمیر چودھری۔